DOVE MAGAZINE
The Next Star Rwanda

Usher mu baraye babyina muri White House mu birori byo gusezera kuri Obama

Share Button

Perezida Barack Obama wa Leta Zunze Ubumwe za Amerika na madamu we Michelle Obama batumiye ibyamamare bitandukanye mu birori byo gusangira mu gihe hasigaye iminsi 13 ngo bave muri White House.

Ni mu muhango wabaye kuri uyu wa Gatanu w’iki Cyumweru tariki 6 Mutarama 2017 ndetse ibyishimo bigeze mu rukerera rwo kuwa Gatandatu.

Michelle Obama yasabye urubyiruko kwitinyuka anavuga ko ari iby’agaciro gakomeye kuba yarabereye abaturage ba Leta Zunze Ubumwe za Amerika umufasha wa Perezida mu myaka umunani ishize.

Uyu muhango witabiriwe ku bwinshi n’abantu bakomeye barimo abaririmbyi, abakinnyi ba filime n’abandi batandukanye bagiye bagaragaza ko bashyigikiye ubuyobozi bwa Barack Obama mu bihe bitandukanye.

ABC News yatangaje nta muntu wari wemerewe kuhageza telefoni n’ibikoresho bifata amashusho.

Mu bazwi cyane bitabiriye uyu muhango harimo Usher, John Legend n’umugore we, Kelly Rowland, Jordan Sparks, Stevie Wonder, Robert deNiro, Tyler Perry, Bradley Cooper, Nick Jonas n’abandi batandukanye.

Kelly Rowland (wambaye umweru), Wale na Usher bari mu bari bitabiriye ibi birori

Biteganyijwe ko Barack Obama azavugira ijambo rya nyuma mu ruhame nka Perezida wa Leta Zunze Ubumwe za Amerika mu muhango uzaba ku wa 17 Mutarama 2017 mu Mujyi wa Chicago wo muri Leta ya Illinois.

Kuri uwo munsi kandi Obama na Michelle bazakira abandi bantu. Umuraperi Jay-Z n’umugore we Beyonce bari ku rutonde rw’abanyacyubahiro bababanye neza na Obama batumiwe mu muhango wo kumusezeraho nka Perezida wa Leta Zunze Ubumwe za Amerika,

Uyu muhango Barack Obama azavugiramo ijambo rya nyuma nka Perezida wa Leta Zunze Ubumwe za Amerika uzakurikirwa n’irahira rya Donald Trump uheruka gutorerwa kuyobora iki gihugu mu birori bizaba ku wa 20 Mutarama 2017.

Umuririmbyi Jordan Sparks mbere y’uko ibirori bitangira yari yavuze ko ajyana na se umubyara

Nick Jonas na Jonathan Tucker mu bitabiriye ibi birori


SRC: IGIHE

Mariah Carey agiye kurushinga bwa kabiri
Michael Jace wakinnye muri ‘The Shield’ yakatiwe imyaka 40 y’igifungo
Urugo rwa Katauti n’umugore we Oprah rwasenyutse burundu
Diamond na Alikiba Bavumiwe ku Gahera

Tanga igitekerezo

Kwamamaza

Developed by Amitabha Technology, Inc.