DOVE MAGAZINE

USA n’u Rwanda byaganiriye ku bibazo biri muri Sudani y’Epfo

Umujenerali mu ngabo za Leta Zunze Ubumwe ushinzwe ingabo z’icyo gihugu mu ihembe rya Afurika (Combined Joint Task Force-Horn of Africa, CJTF-HOA) yaganiriye n’u Rwanda ku mvururu zimaze iminsi muri Sudani y’Epfo.

Maj. Gen. Kurt Sonntag ku wa Kane yaganiriye n’Umugaba w’Ingabo z’u Rwanda Gen. Patrick Nyamvumba bemeranya ko ibibazo biri muri Sudani y’Epfo bitakemurwa n’ingufu za gisirikare gusa.

Lt Col Ngendahimana umuvugizi wa RDF yabwiye itangazamakuru ati “Icyo bavuzeho ni uko tugomba gukomeza gukurikiranira hafi ibikorerwa muri Sudani y’Epfo, ariko igikuru ni uko Abanyasudani y’epfo ubwabo babona ibisubizo bya Politiki ku bibazo bihari, ariko n’akarere kabafashijemo bibaye ngombwa. Ntabwo ikibazo cyo muri Sudani y’Epfo ari ikigomba gukemurwa n’intwaro gusa.”

Abayobozi b’ingabo z’u Rwanda na USA

Abayobozi b’ingabo z’u Rwanda na USA nyuma y’ibiganiro

Kuva muri 2013, Sudani y’Epfo iri mu kangaratete yatewe n’amakimbirane hagati ya Perezida Salva Kiir na Visi-Perezida Riek Machar.

Perezida Kiir yirukanye Riek Machar amushinja ubugambanyi, havuka intambara. Mu 2015 impande zombi zagerageje gushyira umukono ku masezerano y’amahoro ariko muri Nyakanga uyu mwaka imirwani irubura ihirana ababarirwa mu Magana.
Ubu Riek Machar yasimbujwe undi, ndetse intambara ishobora kongera kuvuka.

Maj. Gen. Sonntag na Gen.Nyamvumba kandi baganiriye ku bufatanye bw’ingabo za USA n’iz’u Rwanda n’Ibihugu bya Afurika y’Uburasirazuba mu bikorwa byo kugarura amahoro.

Kurt yavuze ko hakenewe ubufatanye mu gukemura ibibazo by’umutekano byibasiye bimwe mu bihugu byo muri Afurika y’Uburasirazuba ndetse ashimira ingabo z’u Rwanda umuhate zishyira mu kubungabunga amahoro.

Ati”USA yishimira cyane uburyo ingabo z’u Rwanda zibungabunga amahoro hirya no hino ku Isi.”

Bimwe mu bihugu bya Afurika y’Uburasirazuba byibasiwe n’imvururu birimo u Burundi na Sudani y’Epfo.

U Rwanda ruri mu bihugu bitandatu bifite ingabo zibungabunga amahoro ku Isi nyinshi, abasirikare b’u Rwanda basaga 6000 bari mu butumwa bwa Loni hirya no hino muri Afurika, nko muri Centrafrique, Mali, Sudani na Sudani y’Epfo.


SRC:IMVAHO NSHYA

Keza Joannah yagizwe ‘Miss Heritage Culture Ambassador’ ku Isi.
UBuhinde: Umugore yiyahuye kubera ihohoterwa yakorerwaga n’umugabo we
Gutsitara kwa Rayon Sport, byatije umurindi APR FC Bahanganiye igikombe
Umukinnyi wa filime Shah Rukh Khan yafatiwe muri Amerika ku mpamvu itazwi

Tanga igitekerezo

Kwamamaza

Developed by Amitabha Technology, Inc.