DOVE MAGAZINE

Umugore w’imyaka 78 atunzwe no kurya ibiro bibiri by’umucanga buri munsi

Share Button

Kusma Vati w’imyaka 78 utunzwe no kurya nibura ibilo bibiri by’umucanga buri munsi atangaza ko iri funguro rye ryatumye agira ubuzima bwiza.

Uyu mugore umaze imyaka igera kuri 63 atunzwe n’iri funguro, amara amasaha menshi akanja umucanga buri munsi, ndetse rimwe na rimwe akawukura no ku bikuta by’inzu ye.

Ati “Maze imyaka igera kuri 63 ndya umucanga, nkunda kuwurya kandi nta ngaruka wangizeho. Sinigeze ngira ikibazo cy’igifu ndetse umunwa n’amenyo yanjye ameze neza cyane. Nshobora gukanja ibuye rikomeye singire ikibazo.”

Metro dukesha iyi nkuru itangaza ko Kusma atarigera ajya kwa muganga na rimwe kubera ikibazo yatewe no kurya ibilo bibiri by’umucanga buri munsi.

Kusma yatangaje ko yatangiye kurya umucanga afite imyaka 15, aza kurwara igifu ariko kiza guhita gikira, kuri ubu yumva iri funguro ryarabaye ubuzima.

Ati “ Numva imyunyungugu iri mu mucanga impa imbaraga zo gukora akazi kanjye ka buri munsi ko guhinga. Abuzukuru banjye bansaba ko najya kwa muganga bakampa ubufasha bwo kureka kuwurya ariko njye mbona nta mpamvu yabyo.”

Yakomeje agira ati “ Mfite ubuzima buzira umuze kandi byose mbikesha kurya umucanga.”

Umugore w’imyaka 78 utunzwe no kurya umucanga avuga ko abayeho neza

Kusma amaze imyaka 63 arya umucanga


SRC: IGIHE

“Buri muhanzi agira umuhamagaro we”- Aline Gahongayire
Abanyamategeko bo mu karere barasaba ICC gukora iperereza ku Burundi
Jenoside ku Gisenyi: Abayobozi baticaga Abatutsi barakubitwaga
Ubuhinde: Urukundo kimwe mu bintu byica abantu benshi ugereranije n'abicwa n'ibindi muri iki gihugu

Tanga igitekerezo

Kwamamaza

Developed by Amitabha Technology, Inc.