DOVE MAGAZINE

Umubiri wakira neza ikijumba kuruta gateau – Dr Ntaganda

*Abanyarwanda bakunze ibiryo byo mu nganda kuruta iby’umwimerere beza,

*Umukobwa arashyingirwa afite Kg 50 nyuma y’igihe gito akaba agize Kg 80 ni ukurya nabi.

Mu kiganiro na Dr Ntaganda Evariste, inzobere mu ndwara z’umutima n’ibijyanye n’indwara zitandura (Non Communicable Diseases, NCDs) yagiranye n’Umuseke, avuga ko Abanyarwanda benshi usanga bakunze ibyo kurya byo mu nganda kuruta uko bakunda ibiribwa mwimerere, nk’ibijumba, imboga, n’imbuto kandi aribyo umubiri wakira vuva bikaba byanarinda umubyibuho ukabije n’izi ndwara.

Dr Ntaganda Evariste Umuyobozi ushinzwe indwara z’umutima

Dr Ntaganda Evariste Umuyobozi ushinzwe indwara z’umutima muri Program y’indwara zitandura mu kigo RBC

Dr Ntaganda Evariste ni umuyobozi ushinzwe Indwara z’Umutima muri Program y’Indwara zitandura mu Kigo cy’Igihugu cy’Ubuzima (RBC). Avuga ko hari ibiryo byo mu nganda bibamo isukari itari umwimerere benshi mu Banyarwanda bakunda kandi ishobora kugira ingaruka.

Ati “Ni iki dusanga mu kijumba? Ni ibyo kurya bitanga ingufu. None se ni iki dusanga muri Cake? Na byo ni isukari itanga ingufu, ariko umubiri wakira neza ikijumba kuruta gateau.”

Avuga ko bitewe no gusirimuka, Abanyarwanda bibagiwe cyangwa batagikunda ibyo kurya by’umwimerere kandi aribyo umubiri wakira neza.

Ati “Ubu ugiye ahantu bakakwakiriza ikijumba wavuga ngo abaturage baranyishe, urashaka yaourt, cake, ifiriti,… NCDs ni urusobe rw’indwara abantu bagomba kumenya.”

Indi nzitizi ngo Abanyarwanda bafite ni ukudasoma ngo bamenye uburyo zimwe mu ndwara zandura, ariyo mpamvu usanga ibiryo bipfunyitse byo mu nganda bihabwa agaciro kuruta imbuto, imboga, ibigori, imyumbati n’ibindi.

Dr Ntaganda avuga ko indi ndwara yugarije Abanyarwanda ari ukurya nabi n’ibyo bafite bakabirya nta masaha bakurikiza.

Ati “Umukobwa ejo uzasanga narongorwa afite ibiro magana, kuberaka ko ngo iyo umuntu abyaye arya gatatu, kane , birenze gatanu ku munsi ngo atabura amashereka. Ntaho bihuriye gatatu wakarya bisanzwe kandi ukonsa. Ni gute umuntu aba afite Kg 50 nyuma y’amezi atatu akaba afite Kg 80, ni ukuvuga ngo twinjiza ibyo tudasohora.”

Dr Jeanine Condo umuyobozi wa RBC, tariki ya 26 Kamena 2016, yavuze ko mu Rwanda umubyibuho ukabije ari 21%, ariko ngo ku munsi wa CAR Free Day, tariki ya 29 Gicurasi 2016, ubwo Umujyi wa Kigali wakoraga umunsi utarangwamo imodoka mu mihanda abantu bagakora Siporo rusange, mu bagera ku 7000 bisuzumishije indwara zitandura 32% bafite umubyibuho ukabije.

Mu Rwanda abagera kuri 15% bafite ikibazo cy’umuvuduko w’amaraso ukabije, abagera kuri 3% bafite isukari nyinshi mu mubiri bijyana n’indwara ya Diabete, naho muri rusange abivuza indwara zitandura (Cancer, umubyibuho ukabije, n’izindi) ni 25%.


SRC:UMUSEKE

Umurambo wa Capt. Sankara wataburiwe nyuma y’imyaka 28
Burundi: Bimwe mu bihugu byasabye abaturage babyo gukuramo akabo karenge
Graphic Designer
Mbese wibuka ko Kujya mu ijuru ari ugusiganwa?

Tanga igitekerezo

Kwamamaza

Developed by Amitabha Technology, Inc.