DOVE MAGAZINE

U Rwanda rwungutse abapolisi bato 965 basabwa kuba inyangamugayo

Share Button

Minisitiri w’Umutekano mu gihugu Sheikh Mussa Fazil Harelimana, yasabye abapolisi bashya guharanira kuba inyangamugayo, birinda kwanduza isura nziza Polisi y’u Rwanda ifite mu Rwanda no mu mahanga.

Ubu butumwa Minisitiri w’umutekano mu gihugu yabutangiye mu muhango kwakira abapolisi binjiye mu mwuga, wabereye i Gishari mu karere ka Rwamagana kuwa 1 Kamena 2016. Iki cyiciro ya 12 cy’imyitozo y’abapolisi cyasojwe n’abapolisi 965, barimo abakobwa 228 n’abagabo 737.

bapolisi bashya

 

Minisitiri Fazil Harelimana yibukije aba bapolisi bashya ko bakwiye kurangwa n’indangagaciro z’ubunyamwuga buvanze n’ubunyangamugayo, bagasigasira isura nziza Polisi y’u Rwanda yubatse ku isi yose.

Yagize ati “Izi mpanuro buri wese winjiye mu kazi arazihabwa, nimuzikomeza muzakora akazi kanyu neza.Izo nshingano ni ubunyarwanda, ubunyangamugayo no kubumbatira ibyagezweho, ukomeza gutera imbere.

Mwirinde kwanduza isura nziza musanze Polisi ifite haba mu Rwanda no mu mahanga.”

Uyu muyobozi yakomeje asaba aba bapolisi kuba intangarugero mu bandi, kuko ngo icyaha kigira uburemere bitewe n’ibintu bitatu ari byo: inyito y’icyaha, ukoze icyaha, hamwe n’ugikorewe.


ABAPRWANDA POLICE


SRC: IMVAHO NSHYA

U Bwongereza bwubahirije ubusabe bw’Abajenosideri bufata uwahagaritse Jenoside
Radio na Weasel basesekaye i Kigali,Ese baragenzwa n'iki?
Lt Gen Karenzi Karake na Brig Gen Joseph Nzabamwita bahawe imirimo mishya
Aba ni Bamwe mu ba Perezida basahuye Ibihugu byabo Akayabo

1 Ibitekerezo for “U Rwanda rwungutse abapolisi bato 965 basabwa kuba inyangamugayo”

  1. Mike

    Mbega ngo baraberwa!!!INkunda ukuntu Polisi yacu irangwa na disipuline n’ubunyamwuga.Ubutaha nanjye nziyandikisha.

Tanga igitekerezo

Kwamamaza

Developed by Amitabha Technology, Inc.