DOVE MAGAZINE

U Rwanda rwarushije ibihugu bya Afurika umuvuduko w’iterambere ry’abaturage

Mu myaka 10 ishize u Rwanda rwanikiye ibindi bihugu bya Afurika mu kongera umuvuduko w’iterambere ry’abaturage nk’uko byagaragajwe na Raporo y’Umuryango Mo Ibrahim uharanira iterambere rya Afurika.

Iyi raporo ya 2016 yerekana ubushakashatsi bwakozwe ku iterambere ry’inzego zitandukanye mu bihugu bya Afurika bwagaragaje u Rwanda mu bihugu byazamuye iterambere ry’umuturage ku buryo bugaragara guhera mu mwaka wa 2006 kugeza ubu.

Nubwo u Rwanda ruza imbere mu bihugu byongereye amanota y’iterambere ry’umuturage, ni urwa gatanu muri rusange n’amanota 71.2% inyuma y’Ibirwa bya Seychelles byagize 84.2%, ibya Maurice byagize 83.7%, Botswana n’amanota 78.5 %, na Cape Verde yagize 72.5%.

Uburezi, ubuzima no guhindura imibereho y’abaturage

Uburezi, ubuzima no guhindura imibereho y’abaturage ni inzwego u Rwanda rwataburiyemo ibindi bihugu mu myaka 10 ishize

Ibipimo byagendeweho ni mu rwego rw’uburezi, imibereho myiza n’ubuzima bw’abaturage. U Rwanda rushyirwa imbere n’uburyo guhera mu mwaka wa 2006 kugeza ubu ari rwo rwongereye amanota 14% menshi muri izi nzego mu gihe ibihugu byaje imbere muri rusange byazamuyeho make cyangwa akagabanuka.

Ibihugu bikurikiraho mu kuzamura amanota menshi ni Ethiopia yongeyeho amanota 13.9 ku yo yari ifite mbere y’umwaka wa 2006 ikagira 56.5%, Angola yongeyeho 11.2 nubwo igifite 46.7%, na Togo yongereyeho 10.5%

Muri iyi mwaka, amanota yo kuvugurura imibereho myiza mu Rwanda yonyine yiyongereyeho 20.7%. Raporo iragira iti “U Rwanda ruza ku mwanya wa mbere mu guhindura imibereho myiza y’abaturage kandi ni na cyo gihugu cyateye intambwe ifatika mu kuvugurura inzego zose.”

Abanyarwanda bari imbere mu muvuduko wo guhindura byinshi mu iterambere

Abanyarwanda bari imbere mu muvuduko wo guhindura byinshi mu iterambere

Raporo y’Umuryango Mo Ibrahim kandi yerekana ko u Rwanda rwagaragaje impinduka no mu zindi nzego zirimo guhanga amahirwe y’iterambere rirambye mu bukungu, uburinganire, kubahiriza amategeko n’ibindi.

Iyi raporo yerekana intambwe Abanyarwanda bamaze kugeraho mu gihe imibare itangwa na Banki y’Isi yerekana ko icyizere cyo kubaho ku cyiyongereyeho imyaka irenga 33 kuva mu mwaka 1990 kikaba kigeze ku myaka 66.

Ibyagezweho byose bishingiye kuri gahunda za Leta zinyuranye zashyiriweho gukura abaturage mu bukene no kubafasha mu iterambere, uburezi kuri bose, ubwisungane mu kwivuza n’izindi.


SRC:IMVAHO NSHYA

Gutinya Malariya byatumye hasubikwa itorero ry’abarangije ayisumbuye
Umuhanzi Christina Grimmie yishwe arasiwe mu gitaramo
Umubyeyi arashimira abamufashije kuvuza umwana wavukanye uburwayi budasanzwe
Rusizi: Umugabo yishwe akaswe ijosi, harakekwa umuhungu we

Tanga igitekerezo

Kwamamaza

Developed by Amitabha Technology, Inc.