DOVE MAGAZINE

Kuba impunzi bitera umujinya ariko bikanatera ishyaka – Perezida Kagame

Share Button

Perezida Kagame yakiriye abanyeshuri basaga 30 bo mu Koleji ya Wharton muri Kaminuza ya Pennsylvania muri Leta Zunze Ubumwe za Amerika kuri uyu wa 26 Gicurasi 2016, abaha impanuro zishingiye ku buzima yanyuzemo n’amateka y’u Rwanda.

Mu kiganiro bagiranye n’umukuru w’igihugu, yababwiye ko ibyo u Rwanda rugezeho n’ibiri gukorwa muri iki gihe, bishingiye ku mateka mabi rwanyuzemo n’amasomo Leta yigiye mu kuruvana mu cyuho rwasigayemo nyuma ya Jenoside yakorewe Abatutsi mu 1994.

Ati” Abantu bishyize hamwe baravuga bati twakora ibidasanzwe niduharanira kugira ahazaza hacu heza tugasiga amateka mabi inyuma… Twumva dukwiye kongera umuvuduko bitewe n’aho twavuye ndetse n’aho twifuza kugera.”

 

Perezida Kagame n’abanyeshuri ba kaminuza

Perezida Kagame n’abanyeshuri ba kaminuza ya Wharton

Avuga ku buhunzi, kuvutswa uburenganzira n’akarengane nk’ibyaranze amateka ye, Perezida Kagame yavuze ko nubwo ibyo byose bibabaza kandi bigatera uburakari, bitanga amasomo yo guhaguruka umuntu akirwanirira.

Ati” Kuba impunzi bitera umujinya ariko bigatera n’ishyaka. Wumva wakwirwanirira ukabaza impamvu ufashwe nabi. Uretse ko uba wumva ntawe uba ukwiriye kukugenzereza gutyo unamenyeraho ko ntawe nawe ukwiriye kugirira nabi.”

Perezida Kagame yongeyeho ku rundi ruhande guca mu buzima bubi ari amahirwe kuko ari byo byatumye agira umuhate wo guhaguruka agaharanira kubaka u Rwanda rwiza.”

Koleji ya Wharton ibarizwa muri Kaminuza ya Pennsylvania, ni yo ya mbere yigisha ubucuruzi yashinzwe muri Leta Zunze Ubumwe za Amerika.


SRC: IMVAHO NSHYA

Mushikiwabo yagiriye inama Abanyarwanda baba i Buruseli
Isoko mpuzamahanga rya Cyanika rizatwara miliyoni 322
Nyuma y’iminsi ine bahawe inshingano,Kanyankore na Nshimiyimana basezerewe mu Mavubi
King James  yahishuye ahantu ku mubiri we akunda cyane n’impamvu

Tanga igitekerezo

Kwamamaza

Developed by Amitabha Technology, Inc.