DOVE MAGAZINE

Tom Close yagarutse ku bamutandukanyije n’umugore mu magambo

Share Button

Umuhanzi akaba n’umuganga Muyombo Thomas benshi bazi nka Tom Close mu muziki yagarutse ku magambo yamuvuzweho ko yaba yaratandukanye n’umugore we ndetse yemeza ko adateganya gutandukana n’umufasha we ahubwo ngo bazabana kugeza ku rupfu.

Mu gitaramo cyo kumurika album ya gatanu ya Dream Boyz, Tom Close ni umwe mu bahanzi bafashije iri tsinda muri iki igitaramo ndetse yakunze kurangwa no gusubira mu magambo yagiye amuvugwaho by’umwihariko ku makuru yise ‘igihuha’ cyari cyakwirakwijwe bavuga ko yatandukanye n’umugore we bapfa gucana inyuma no kuba ngo umugore we yarabyaye umuzungu.

Tom Close yinjiye ku rubyiniro mu ndirimbo ye nshya ‘Umugabo uhiriwe’, akurikizaho ‘Ibintu byarahindutse’ maze afata ijambo agaruka ku magambo bagiye bamuvuga.

Mbere yo kuririmba iyo yise ‘Umwana wa mabukwe, Tom Close yagize ati “Abantu baravuga. Ndibuka mu minsi ishize bavuga ko nasibiye muri kaminuza tutaranatangira ibizamini. Mu minsi ishize na none bavuze ko natandukanye n’umugore ndetse ko yabyaye umwana w’umuzungu utari uwanjye, ibyo byose byari ibinyoma”.

Yakomeje asobanura ko ibyo abantu bavuga byose bidakwiriye guca abantu intege cyane iyo bafite intego mu buzima bwabo bifuza kugeraho.
Tom Close yasobanuye ko indirimbo ‘Umwana wa mabukwe’ benshi batekereje ko hari isano ifitanye n’ubuzima bwe mpamo nyamara ngo baribeshye.

 

Yagize ati, “Iyi ndirimbo niyo yabaye imbarutso y’amagambo bavuze ko natandukanye n’umugore wanjye kandi mu by’ukuri iyi ndirimbo nayiririmbiye sosiyete nyarwanda muri rusange”.

Yungamo ati, “ Aya magambo ndamutse nyaririmbye ku mugore wanjye byaba biteye agahinda”.

 

Ni kenshi hagiye havugwa amagambo yo gutandukana kwa Tom Close n’umugore we Tricia ariko aba bombi bahagurukiye kwerekana ko ibivugwa ari ibihuha ndetse bidatinza bibaruka imfura y’umukobwa bise Ellah.

 

Tom Close na Niyonshuti Ange Tricia basezeranye imbere y’Imana ku itariki 30 Ugushyingo 2013. Bafitanye umwana w’umukobwa witwa Ellah.


SRC: IGIHE

Percy Sledge waririmbye “When a Man loves a Woman”yapfuye
Michelle Obama yifurije Beyonce isabukuru nziza
Umutoza wa Rayon Sports Devid Donadei yaba yamaze gusezera
Formula 1: Ku nshuro ya 5 Hamilton yegukanye “Canada Grand Prix”

Tanga igitekerezo

Kwamamaza

Developed by Amitabha Technology, Inc.