DOVE MAGAZINE

Tom Close na The Ben mu ndirimbo imwe nyuma y’imyaka 9

Share Button

Tom Close afitanye umushinga wo gukorana indirimbo na The Ben umaze iminsi mu Rwanda, nyuma y’ aho ataramiye Abanyarwanda mu muhango wo gukusanya inkunga yo kwita ku Ngagi uzwi nka ‘Kwita Izina Gala Dinner’ uherutse kuba mu kwezi kwa Kanama muri Kigali Convention Center.

Aba bahanzi bombi ubusanzwe bafite umubare munini w’abakunzi mu njyana ya R&B baririmbamo bakaba bafite indirimbo yitwa ‘Thank You’ barimo gukorera mu nzu itunganya umuziki ya “Monster Records”, ubusanzwe icungwa na Dj Zizou, ari na we nyiri Studio.

Mu kiganiro n’ikinyamakuru izubarirashe.rw, Tom Close yirinze gutangaza igihe iyi ndirimbo izasohokera ariko avuga ko bifuza kuyisohora mbere y’uko The Ben afata urugendo rusubira muri Amerika.

Tom Close yagize ati, “ni byo koko mfite umushinga w’indirimbo mpuriyemo na The Ben. Ntabwo navuga ngo izasohoka ryari ariko icyo twifuza twembi ni uko The Ben yasubira muri Amerika amajwi n’amashusho byayo byombi byamaze kugera hanze”

Amashusho y’iyi ndirimbo yatangiye gufatwa akaba azatunganywa na Meddy Saleh.

Tom Close na The Ben mu ndirimbo imwe nyuma y’imyaka 9

The Ben akunze gukorana indirimbo n’abahanzi batandukanye iyo yaje mu Rwanda, kuko ubwo yazaga gutaramira Abanyarwanda mu gitaramo cya East African Party kiba ku bunani, aho mu minsi yahamaze yakoranye indirimbo yitwa Champion na Pacson, Green P na Bull Dogg, nyuma yaho akorana na Kid Gaju iyitwa Kami yaje no gukundwa cyane.

The Ben na Tom Close baherukaga guhurira mu ndirimbo imwe mu mwaka wa 2008 ubwo basohoraga indirimbo yitwa ‘Sinari nkuzi’.

SRC: IZUBA RIRASHE

Igitaramo cya Gakondo Group cyaburijwemo kitaraba
Jay Z na Beyonce bimukiye mu nzu ifite agaciro ka miliyoni 45 $
Se wa Diamond yarijijwe no kudatumirwa mu birori by’umwuzukuru we
Young Grace yinjiye muri Primus Guma Guma bidasubirwaho

Tanga igitekerezo

Kwamamaza

Developed by Amitabha Technology, Inc.