DOVE MAGAZINE

The Rock yatowe nk’umugabo ukurura abagore kurusha abandi ku Isi

Umukinnyi wa filime Dwayne Douglas Johnson[The Rock] ni we watoranyijwe nk’umugabo ukurura abagore kurusha abandi ku Isi mu mwaka wa 2016, asimbuye David Beckham.

The Rock yamamaye muri film Longshot , The Game Plan , The Rundown , Race to Witch Mountain , Fast & Furious, Iron Man n’izindi. Forbes yagaragaje ko amafaranga menshi yinjije yayavanye muri filime “Fast and Furious”, “San Andreas” na “Iron Man”.

Kuri uyu wa Kabiri tariki ya 15 Ugushyingo 2016, ikinyamakuru People cyatangaje ko The Rock ari we watowe nk’umugabo ufite uburanga bukurura igitsinagore mu bariho ku Isi.

Umwaka wa 2016 wahiriye The Rock, yari aherutse kuza ku isonga ku rutonde rwakoze na Forbes Magazine mu bagabo b’abakire bakina filime, yinjije miliyoni 46 z’amadolari. Amaze imyaka ine yikurikiranya aba uwa mbere mu bakina filime bakize. Yabaye uwa mbere muri 2014, icyo gihe yari yinjije miliyoni 75, muri 2015 nabwo yari yinjije miliyoni 80 z’amadolari. Muri 2016 nabwo yanikiye benshi mu byamamare muri sinema aho yasaruye miliyoni 64.5 z’amadolari (£48.8 m).

Yaganiriye n’umunyamakuru wa People amubaza uko yabyakiriye acyumva iyi nkuru, atazuyaje ati “Navuze, ibyo ni byiza. Ikindi kandi nahise numva mu mutwe wanjye ari byiza kandi bishimishije cyane […] Ntabwo nzi ikigiye gukurikiraho nyuma ya hano. Narabikoze byose, ibi birahagije.”

Mu mwaka wa 2015 uyu mwanya wahawe David Beckham na we wari wasimbuye umukinnyi wa film w’Umunya-Australia Chris Hemsworth watowe muri 2014. Mu mwaka wa wa 2013 umwanya wa mbere wariho Adam Levine uririmba muri Maroon 5.

Uyu mwaka ni uw’amahirwe kuri The Rock

The Rock, umugabo w’igikundiro kurusha abandi muri 2016


SRC: IGIHE

Yaje gushora imari mu Rwanda biturutse ku rugendo Kagame yagiriye muri Guinée
Nyamirambo: Indaya irakekwaho kwica mugenzi wayo imuteye icyuma
Rusizi: Umugore yishe umugabo we amuteye icyuma mu mutima
Kuki Gaby Kamanzi yangiwe kwinjira muri Amerika akagarurwa i Kigali?

Tanga igitekerezo

Kwamamaza

Developed by Amitabha Technology, Inc.