DOVE MAGAZINE
DOVE RECORDS, INC.

Se wa Michael Jackson arembeye muri Brazil

Joe Jackson arwariye aho bashyira indembe mu bitaro biherereye mu mujyi wa Sao Paolo muri Brazil nyuma yo kuremba cyane agezeyo aho yari yagiye kwizihiriza imyaka 87 y’amavuko.

Joe Jackson yagiye muri Brazil kwizihiza imyaka 87 ahurirayo n'uburwayi bukaze

Uyu musaza byatangajwe ko kuri iki cyumweru ubwo yari kwizihiza iyi sabukuru ahubwo yari mu bitaro kubera gucika kw’agatsi ko mu mutwe (stroke).

Albert Einstein Hospital byo muri Brazil byasohoye itangazo rivuga ko uyu musaza yagize kandi ikibazo cyo gutera k’umutima bidasanzwe.

Uyu musaza yari yageze i Sao Paolo mu minsi micye ishize ndetse ku rubuga rwe bwite hagaragaraho amafoto ari gusangira ifunguro ry’umugoroba n’abo mu muryango we bari i Sao Paolo mbere gato yo ku cyumweru.

Joe Jackson niwe watangije muzika mu muryango we mu myaka ya 1960 ashinga “The Jackson Five” yari igizwe n’abana be bakuru.

Atarapfa, Michael Jackson yigeze gutangaza ko akiri muto se yamuhohoteraga bikomeye yaba ku mubiri (gukubita) cyangwa kumutuka.

Gusa Michael Jackson  yavuze ko ‘discipline’ ikomeye se yamushyiragaho ariyo yaje kumufasha kugera ku kuba ikirangirire ku isi.

Michael Jackson yavuze ko Discipline se (ibumoso) yamushyizeho ariyo yamugejeje ku kwamamara


UMUSEKE

The Ben yikomye abantu bakoresha compte ye ya facebook
Bobi Wine yarusimbutse mu ijoro risoza 2015
Nta mpungenge ku gitaramo cyacu kubera WizKid- Amag The Black
Miss Bahati Grace yavuze uko yabonye Mutesi Jolly muri Miss World

Tanga igitekerezo

Kwamamaza

Developed by Amitabha Technology, Inc.