DOVE MAGAZINE
The Next Star Rwanda

Rwenzururu: Umuryango w’umwami watakambiye Museveni

Share Button

Umuryango w’Umwami wa Rwenzururu, wagiranye ibiganiro na Perezida wa Uganda Yoweri Museveni ndetse umusaba kurekura umwami wabo wafunzwe nyuma y’imvururu zahitanye abagera ku 100.

Ku wa 27 Ugushyingo 2016, nibwo hagabwe igitero ku rugo rw’Umwami Charles Wesley Mumbere, nyuma y’aho we n’abarinzi be bagera ku 160 baza gutabwa muri yombi.

Bakekwaho ibyaha birimo ubugambanyi, ubwicanyi, iterabwoba, ubujura byose byakorewe mu karere ka Kasese ari na ho ubwami bwa Rwenzururu buherereye.

Umunyamabanga wa Leta ushinzwe ubuhinzi, ukaba n’igikomangoma cy’ubwami bwa Rwenzururu, Christopher Taban Kibanzanga yabwiye Daily Monitor ko abantu barimo abahoze ari abaminisitiri, abarinzi bahuye na Museveni ku wa Gatanu w’iki cyumweru bakaganira byinshi bijyanye no kugarura amahoro muri kariya gace.

Muri ibi biganiro byari byitabiriwe n’Umwamikazi Nyabaghole Agnes Ithungu, abagize umuryango w’umwami batakambiye Museveni bamusaba kurekura Mumbere, nk’imwe mu nzira yo kugarura amahoro muri Kasese.

Nyuma yo kubatega amatwi, Museveni yababwiye ko icyo yifuza ari amahoro mu gacece ka Kasese kandi abayobozi mu bwami bagaharanira gukurikiza amategeko.

Biteganyijwe ko ibi biganiro bizasubukurwa ku munsi w’ejo kugira ngo hafatwe imyanzuro.


SRC: IGIHE

Kigali: Umuvuzi gakondo ashinjwa gukorera umwana iyicarubozo
The Interlace: Inyubako nziza kurusha izindi ku Isi (Amafoto)
Abadepite banenze icyemezo RSSB yari yarafatiye ababyeyi bari mu kiruhuko cyo kubyara.
Guhishurirwa Yesu bizakubyarira imbaraga zo guhangara Isi y’umwijima

Tanga igitekerezo

Kwamamaza

Developed by Amitabha Technology, Inc.