DOVE MAGAZINE

‘Fata Kagame nka Mose dukemure ibibazo’

Share Button

Mu gitekerezo cy’Umunyamakuru, Prof. Pacifique Malonga, agereranya Perezida Paul Kagame nka Mose wambukiye Abayisiraheli inyanja itukura bajya mu gihugu cy’isezerano, ko ariwe ushobora gufasha Abanyarwanda kugeza ku iterambere rirambye bifuza.

Mu gitekerezo cye atanga ingero ku mibereho y’ibindi bihugu cyane ibyo mu Karere avuga ko Abanyarwanda nta wundi muntu bakeneye usibye Paul Kagame.

Agira ati “ Mu isezerano rya cyera muri Bibiliya, igitabo cyitwa Kuva. Hatubwiira inkuru ya Mose cyangwa Musa n’abisiraheri. Mbere yo kubabwira ibya Kagame na Mose dore aho turi muri iki gihe:

I Burundi

Amezi atatu ashize induru zaravuze, amaraso arameneka, abantu barahunga ibintu biradogera, ariko abandi bati “Akagumye bagumako” Nkurunziza azi neza uwo mugani akagumye yakagumyeko, ubu ararwana no gutegeka iyindi myaka itanu; usibye ko urupfu rwa jenerali Adolphe Nshimirimana n’igitero kuri Mbonimpa bishobora gutuma ibintu birushaho kuba bibi.

Uganda

Uku kwezi gushize Amama Mbabazi na Besigye umwe ati reka nanjye ndebe ko nahirika uriya mugabo Kaguta natwe tugerageze turebe ko twategeka. Uko byifashe ubu n’uko Museveni yihimbiye indirimbo ye nshya ya yengoma ati:”Uluyongoyongo rwa kabale”. Ubwo aba areba imbere, abashakaga kunyura muri NRM cyangwa inyuma abereka ubworo bw’ikirenge.

Tanzania

Uwitwa Eduard Lowasa wari igishyitsi utapfa guhirika muri Chama Cha Mapenduzi (CCM) yitegura kuzasimbura Jakaya Kikwete ati nanjye nubwo ntari Mrisho ubwo muzi icyo bivuga nzakiyobora. Batoye abakandida asanga amazi yarenze inkombe, avanamo ake karenge asanga ”opposition” ya CHADEMA ngo arebe ko yategeka asenye umubyeyi n’umurezi we CCM. Dr Slaa nawe wari wiyamamaje kuba Perezida muri 2010 baba bamwigijeyo muri “opposition”.

Muri Repubulika Iharanira Demokarasi ya Congo

Muri Congo hirya aha naho, ubu Kabila yibereye mu gucura no ku1buguza cyangwa gusoma ikirere kugira ngo hatagira umukoma mu nkokora akomeze ayobora igihugu se Kabila yamusigiye. Kabange rero ntasinziriye.

Muri Kenya simpavuga, yibyariye Kenyatta yibyariye umuhunguahinduka icyo abagande bita “Imporogoma ya Katonda” intare ya nyagasani.

Mu Rwanda 

Bibiliya, dore ko umwanditsi ari umwana w’umutambyi iti: “jya wubaha so na nyoko kugira ngo uramire mu gihugu cy’Uwiteka Imana yawe iguha”. Aha niho nasanze igihugu cy’u Rwanda nakigereranya nicyo Imana yemereye abana b’iIsiraheri bari muri Misiri ibemerera Kanani.

Uko mbibona

Ibijyanye no guhindura Itegeko Nshinga nta kibazo na gito kirimo kuko iyo rihinduwe hakurikijwe uburyo bwemewe n’amategeko biba uko. Ikibi ni ukuryica cyangwa kurihindura mu buryo butari bwo.

Ku bijyanye na manda ya Kagame Paul, nta cyangijwe na gito kuko afite manda ye kugeza muri 2017. Icyo gihe nihagera, azakurikiza Itegeko Nshinga rizaba ririho, icyo gihe kuko haracyasigaye imyaka ibiri.

Kwica itegeko rero ntaho biri namba; guhindura Itegeko Nshinga nabyo nta kibazo kirimo kuko nta myaka iteganywa ngo rihinduke cyangwa ryo guhinduka; igiteganywa ni uburyo rihinduka. Ubwo nta kibazo nibyo mucyongereza bivugwa ngo “changing the Constitution Constitutionally”.

Fata Kagame nka Mose cyangwa Musa

Uyu mugabo Mose dusanga muri Bibiliya mu gitabo cyitwa Kuva “Exodus” Imana yamubwiye kuvana abana b’Isiraheri bari bamaze imyaka 430 bari mu Misiri iramubwira iti cyura aba bantu mu gihugu cy’isezerano. Mose rero yarabyemeye nubwo bitari byoroshye kuko hari naho bageze batangira kwitotomba bati aho twari turi nta mva zari zihari aho kuza kugwa mu butayu?

Mose rero yakomeje yihanganisha abanya Isiraheli yari ayoboye n’icyizere cyinshi ndetse kugera aho imodoka zirenze 600 za Pharaon n’ingabo ze zatikiriye mu Nyanja zikurikiye Mose n’abantu be.

Ubuyobozi bwiza rero bwa Mose bwagejeje abanya Isiraheli i Kanani, umuntu yabugereranya n’ubwa Kagame Paul, nibareke turebe imbere akomeze atuyobore kugera kuri Vision cyangwa icyerekezo kuko dusigaje kwambuka inyanja itukura. 
Iyindi myaka irindwi rwose atuyobore tuzaba tumaze kwambuka inyanja itukura.

Ubundi icyo Abanyarwanda bashaka ni amahoro n’amajyambere sinzi rero undi muntu baba bashaka yaba arinde? Barashaka iki? Kuki twagerageza undi kandi kugeza ubu Kagame Paul yerekana ko ari indashyikirwa? Aracyari muto “mzee Kijana” kandi imiyoborere ye n’inkotanyi bimeze neza cyane. Ahubwo muri manda itaha azakore “system” ikomeye kugira ngo tubone abandi bagabo nyabo nkaba Aaron bafashaga Mose, naho njyewe nzaba nka Miriam ndirimbire Uwiteka.

Abantu rero nibareke kurangazwa na manda ahubwo bashyire imbaraga mu bikorwa by’iterambere Duterimbere, ‘Matunda yako mbere Nchini kanani yetu’.

Prof. Pacifique Malonga

Donald Trump azajya akoresha Miliyoni 2 z'amadorali mu kwiyamamaza ku cyumweru
Burundi: Umugore ufite ubwenegihugu bw’u Rwanda yajyanywe n’inzego z’ubutasi
Nyabugogo: Abakoraga ubujura butandukanye bashyizeho ihuriro ryo gukumira ibyaha
Umuryango IRO watangije igikorwa cyo kongerera urubyiruko ubushobozi binyuze mu kwiga

Comments are closed

Kwamamaza

Developed by Amitabha Technology, Inc.