DOVE MAGAZINE
DOVE RECORDS, INC.

Platini wo muri Dream Boys yatandukanye n’umukunzi we biteguraga kurushinga

Nemeye Platini, umwe mu bagize itsinda rya Dream Boys yatandukanye na Ingabire Diane bari bamaze imyaka ine bakundana ndetse binavugwa ko bitegura kurushinga.

Platini na Diane bari bamaze imyaka isaga ine bakundana, mu bitaramo bitandukanye umusore yitabiraga babaga bafatanye agatoki ku kandi, bari kumwe no mu bukwe bwa Knowless na Clement buheruka kuba.

Urwatumye Ingabire Diane yongera izina rya Platini mu yo yakoreshaga ku mbuga nkoranyambaga akiyita Nemeye Diane, rwatangiye gushonga mu Ugushyingo 2016, umukobwa asiba amafoto yose y’umusore yari yarashyize kuri Instagram.

Amakuru agera kuri IGIHE avuga ko ’hagiye gushira amezi abiri Platini na Diane bahagaritse iby’urukundo rwabo’.

Ku wa 5 Mutarama 2017, Ingabire Diane ni bwo yerekanye undi musore witwa Rutayisire Feston uba muri Leta Zunze Ubumwe za Amerika yasimbuje Platini, yashyizeho ifoto y’uyu musore ayiherekeza ikimenyetso cy’umutima.

Platini na Diane basohokanaga ahantu hose

Yongeye gushyira kuri Instagram indi foto y’uyu musore basigaye bakundana anavuga ko ari we ’byishimo bye’. Mu butumwa uyu musore yanditse kuri ayo mafoto yunganira Diane, yavuze ko amukunda birenze ibindi bintu byose n’andi magambo aryohereye agaragaza urukundo hagati ya bombi.

Twagerageje kuvugana na Platini ku bijyanye n’itandukana rye na Diane, ntiyagira icyo abivugaho. Haracyategerejwe icyo uyu muririmbyi wo mu itsinda rya Dream Boys abivugaho.

Iby’urukundo hagati ya Platini na Diane byatangiye kunugwanugwa no kuvugwa cyane mu itangazamakuru mu 2013, bakomeje kubigira ubwiru no kuterura ngo bavuge ku bijyanye n’umubano wabo.

Itangazamakuru ryakomeje kuboga runono kugeza mu 2014 ubwo Platini yemeje ko afite umukunzi mushya yasimbuje umuhanzi Rozy bakundanye bakiga mu yahoze ari Kaminuza Nkuru y’u Rwanda.

Urukundo rwabo rwari rugeze ahakomeye

Ingabire Diane ari mu rukundo n’umusore uba muri Leta Zunze Ubumwe za Amerika

Diane yari yariyongereyeho izina rya ‘Nemeye’

Bongoreranaga utugambo tw’urukundo

Platini na Diane bari bajyanye mu bukwe bwa Knowless

Umusore wegukanye Diane wakundanaga na Platini


Kwamamaza


Kwamamaza


SRC: IGIHE

Umunyamategeko akaba n'umukinnyi wa filme Fred Thompson yaraye yitabye Imana
Centrafrique: Polisi y’u Rwanda yahawe inshingano zo kurinda Minisitiri w’Intebe
Ali Kiba mu bahanzi batanu ba Afurika bahatanye muri MTV Europe Music Awards
Asinah yerekeje muri Amerika

Tanga igitekerezo

Kwamamaza

Developed by Amitabha Technology, Inc.