DOVE MAGAZINE

Perezida Kagame yakoresheje pasiporo nshya ya AU ajya muri Tchad

Share Button

Perezida wa Repubulika y’u Rwanda, Paul Kagame, kuri uyu wa 8 Kanama 2016, yakoresheje pasiporo nshya aherutse guhabwa n’Umuryango w’Ubumwe bwa Afurika, AU, ubwo yajyaga muri Tchad mu muhango w’irahira rya Idriss Deby Itno.

Kagame na Idriss Deby nibo Banyafurika ba mbere bahawe izo pasiporo mu nama ya AU yabereye mu Rwanda mu kwezi gushize, bazishyikirijwe na Perezida wa Komisiyo y’Umuryango w’Ubumwe bwa Afurika, Dr Nkosazana Dlamini Zuma.

 

AU ivuga ko iyo pasiporo yabanje guhabwa Abakuru b’Ibihugu, ba Minisitiri b’Ububanyi n’Amahanga n’abandi badipolomate hanyuma ikazahabwa abandi batuye kuri uyu mugabane babyifuza.

Ubwo yahabwaga iyo pasiporo, Perezida Idriss Déby yavuze ko yishimiye kuba ari we na Perezida Paul Kagame babaye bayihawe bwa mbere.

Umushinga wa pasiporo imwe ku Banyafurika wemejwe muri 2014, ari mu gahunda ya y’Umuryango w’Ubumwe bwa Afurika yo kugeza mu 2063. Ugamije koroshya ubuhahirane n’imigenderanire ku mugabane.


SRC:IMVAHO NSHYA

Ambasade y’u Bwongereza mu Rwanda iratangaza ko itishimiye icyemezo cyo guhagarika burundu serivisi ...
Prof. Romain Murenzi yashyizwe mu bajyanama ba Loni mu ikoranabuhanga
CP Munyambo yatangiye kuyobora Polisi ya Loni muri Sudani y’Epfo
Amagambo akomeye bamwe mu baperezida bavuze ajyanye n’umunsi wahariwe “Afurika”

Tanga igitekerezo

Kwamamaza

Developed by Amitabha Technology, Inc.