DOVE MAGAZINE
DOVE RECORDS, INC.

Perezida Kagame na Madamu bagiriye uruzinduko rw’akazi muri Ethiopia

Share Button

Perezida Paul Kagame na Madamu Jeannette Kagame bari muri Ethiopia mu ruzinduko rw’akazi guhera kuri uyu Kane, tariki ya 16 Mata 2015.

Nk’uko byatangajwe n’Ibiro by’umukuru w’igihugu kuri Twitter, Perezida Kagame na Madamu we Jeannette Kagame bageze muri Ethiopia mu gitondo cyo kuri uyu wa Kane, bakirwa na Minisitiri w’Intebe wa Ethiopia Hailemariam Desalegn.

Minisiteri y’Ububanyi n’Amahanga muri Ethiopia yatangaje ko Perezida Kagame azagirana ibiganiro na Hailemariam Desalegn na Perezida Mulatu Teshome.

Perezida Kagame kandi azabonana n’abacuruzi b’Abanyarwanda bakorera muri Ethiopia mu nama y’abacuruzi bo mu Rwanda n’abo muri Ethiopia.

Minisitiri w’Ububanyi n’amahanga wa Ethiopia Tedros Adhanom yavuze ko u Rwanda na Ethiopia bifitanye umubano wihariye mu buhinzi, ubucuruzi n’uburezi.

Kagame azanitabira inama ya Tana, ihuriro ry’inararibonye izayoborwa n’uwahoze ari Perezida wa Nigeria Olusegun Abasanjo ku matariki ya 18 na 19 Mata ahitwa Bahir Dar mu birometero 570 uvuye mu Majyaruguru y’Uburengerezuba bwa Addis Ababa

Perezida Kagame yaherukaga muri iki gihugu mu mpera za Werurwe mu nama ya 18 y’Isoko rusange rihuza ibihugu by’ Afurika y’Iburasirazuba n’iy’Amajyepfo (COMESA).

AMAFOTO 70 ya Miss Rwanda 2015 na nyuma yabwo waba utarabonye
Ingabo z’u Rwanda zahinduye umwambaro w’akazi
Kenya: Ibyo inshuti ye yo kuri FACEBOOK yamukoreye byatumye yiyahura
Referandumu yatowe "Yego" hejuru ya 98 %

Tanga igitekerezo

Kwamamaza

Developed by Amitabha Technology, Inc.