DOVE MAGAZINE

Peace na Jody Phibi basohoye amashusho y’indirimbo ‘Turajyanye’ bahuriyemo

Share Button

Abahanzi bafite amajwi yumvikanamo ubuhanga mu miririmbire, Peace Jolis na Jody bashyize hanze amashusho y’indirimbo ‘Turajyanye’ bakoranye mu mwaka wa 2015.

‘Turajyanye’ ni indirimbo y’urukundo iri mu njyana ya RnB, yakozwe na Producer David muri Future Records. Iyi yasohotse mu buryo bw’amajwi mu mezi arindwi ashize, aba bahanzi bayikoreye amashusho bitinze kubera inzitizi zimwe na zimwe bagize bahura na zo.

Mu kiganiro na Peace Jolis yagize ati “Urumva iyi ndirimbo twayikoze kera, hari hashize igihe iri hanze, abantu barayishimiye cyane ikijya hanze ariko bahoraga batwishyuza amashusho yayo.”

Yongeyeho ati “Ntabwo ari twe twifuje ko ijya hanze bitinze, ni ibibazo byagiye bizamo, twashakaga aho kuyikorera ugasanga hajemo utubazo ntihaboneke ku buryo twanze kuyikorera ahantu hatameze neza kuko twifuzaga ko yazasohoka imeze neza.”

Peace yavuze ko iyi ndirimbo itari ku rutonde rw’izigize album ya mbere ari gutunganya, ngo yayikoranye na Jody nk’umushinga bifuje guhuriramo bombi. Ati “Ntabwo nzayishyira kuri album yanjye, nayikoze nk’indirimbo twahuriyemo twembi bisanzwe.”

Uyu muhanzi yavuze ko afite indi mishinga y’indirimbo yakoranye n’umwe mu bahanzi bakomeye azashyira hanze mu gihe cya vuba. Jody na we yavuze ko yiteguye gushyira hanze amashusho y’indirimbo nshya aheruka gusohora yitwa ‘Birandenga’.


SRC: IGIHE

Dr Donald Kaberuka yahamije ko azibanda ku Rwanda mu bikorwa bye
Amerika igiye kohereza ingabo muri Iraq zo kurwanya umutwe wa Islamic State
Pacson na Green P bagiye gukora igitaramo giha isura nshya Hip Hop
Umuyobozi w'uruganda rwa Samsung arashinjwa gutanga ruswa

Tanga igitekerezo

Kwamamaza

Developed by Amitabha Technology, Inc.