DOVE MAGAZINE

Oda Paccy na Asinah bagiye guhurira mu gitaramo cyiswe ‘Igikuba’

Uzamberumwana Pacifique[Oda Paccy] na mugenzi we Asinahb azataramira abafana babo mu Mujyi wa Kigali, mu gitarmo cyiswe ‘Igikuba concert ’ kizaba ku Cyumweru tariki ya 13 Ugushyingo 2016 mu kabyiniro ka H-Zone i Gikondo.

Oda Paccy ni umuhanzi uzwi cyane mu ndirimbo ‘Mbwira’, ‘Ayiwe’, ‘Ntabwo mbyicuza’ n’izindi. Mugenzi we Asinah akora injyana ya Dancehall na we afite indirimbo zicurangwa cyane kuri Radio muri iyi minsi.

Indirimbo ‘Igikuba ‘ yitiriwe igitaramo cy’aba bahanzi, ni iya Oda Paccy imaze igihe gito isohotse ndetse iri mu zavugishije benshi kubera amafoto uyu muhanzi yashyize hanze ayamamaza bamwe bakayabonamo ‘guta umuco’.

Iki gitaramo Paccy azahuriramo na Asinah cyateguwe na MIG itsinda rihuza abafana n’abahanzi mu bitaramo biba mu mpera za buri cyumweru mu kabyiniro kitwa H-Zone gakunzwe cyane muri iki gihe.

Mu kiganiro na IGIHE, Umuyobozi wa MIG Hitimana David, yatangaje ko kwinjira muri iki gitaramo ari ubuntu mu buryo bwo korohereza abakunda uyu muraperikazi gutaramana nawe bakiyumvira ijwi rye ryiza ndetse bakanasabana.

Yagize ati “ Indirimbo Igikuba ya Oda Paccy abenshi ntibarayumva ndetse hari n’atazi impamvu yayihimbye. Turashaka rero abamukunda bazaza bagataramana we, bagasabana dore ko ari umuraperikazi mwiza mu bakobwa bakora umuziki.”

Paccy na Asinah bagiye gukorera igitaramo muri aka kabyiniroka H-Zone nyuma y’uko Social Mula n’abandi bahanzi batandukanye baharirimbiye babona umubare munini w’abafana.

Iki gitaramo kizaba ku Cyumweru tariki ya 13 Ugushyingo kizatangira saa mbili z’umugoroba muri H-Zone hafi ya Dos d’âne kwa Mironko.


SRC: IGIHE

Man City, Man United na Arsenal zabonye amanota atatu bigoranye
Kanye West yamuritse igice cya gatatu cy’imideli yahanze (Amafoto)
Umuraperi The Game mu nzira zo kwiyunga na G-Unit
Beenie Man yafashwe n’indwara ya Zika ahabwa akato muri Canada

Tanga igitekerezo

Kwamamaza

Developed by Amitabha Technology, Inc.