DOVE MAGAZINE

Ntabwo Bokota ahabwa ibihumbi 50 ku gitego

Ubuyobozi bw’ikipe ya AS Muhanga bwanyomoje amakuru yavugaga ko Bokota Labama, umukinnyi mushya w’iyi kipe, azajya ahabwa agahimbazamusyi k’ibihumbi 50 ku gitego atsindiye iyi kipe, yiyongera ku mushahara w’ibihumbi 250 ku kwezi.

Amakuru Imvaho Nshya ikesha umwe mu bayobozi bakuru b’iyi kipe wahisemo kudatangaza amazina, yemeje ko Bokota Labama agenerwa gusa umushahara w’ibihumbi 300 ku kwezi n’agahimbazamusyi k’ibihumbi 30 ku mukino bazajya batsinda.

Uyu muyobozi yagize ati “Ubundi si ngombwa ko ntangaza amasezerano y’umukinnyi. Ariko mu gushyira ibintu mu kuri, Bokota ntabwo ahabwa ibihumbi 50 ku gitego atsinze. Icyo tumugenera ni ibihumbi 300 by’umushahara n’agahimbazamusyi k’ibihumbi 30 ku mukino dutsinze nk’abandi bose”.

Bokota Labama
AS Muhanga yabeshyuje amakuru avuga ko Bokota Labama azajya ahemberwa igitego

Ibi bije nyuma y’uko Bokota asinyiye AS Muhanga amasezerano azarangirana n’imikino yo kwishyura, aje nk’umukinnyi waherukaga gukina mu 2013 aho yari muri Kiyovu Sports.

Muri Werurwe 2016 , Bokota yavuze ko azanywe no gutsinda ibitego nk’uko yabikoze muri Rayon Sports muri shampiyona 2005-2006.

Bokota yanasubije abatekerezaga ko amaze gukura mu myaka ati “Bokota ndacyari Bokota, imyaka si yo y’ingenzi, icyangombwa ni ibitego”. Ku rubuga rwa “wikipedia.org”, Bokota yavutse taliki 06 Mata 1985, afite imyaka 31 y’amavuko.

Bokota yamenyekanye mu Rwanda mu 2006 ari muri Rayon Sports aho yari yarahawe izina “igikurankota” kubera gutsinda ibitego.

Nyuma muri 2009 yagiye muri APR FC mu 2009 nyuma asubira muri RDC yongera kugaruka muri 2013 ajya muri Kiyovu Sports naho ahamara umwaka ubundi aburirwa irengero.


SRC: IMVAHO NSHYA

Perezida wa Turukiya yaburiye Putin “kudakina n’umuriro”
Byari amarira mu gushyingura umugabo wa Celine Dion (Amafoto)
Dr Niyitegeka yaciwe Frw 1,400,000 binemezwa ko adafunzwe binyuranye n’amategeko
Nyakinama: Ku nshuro ya 4 hari kuganirwa ku bibazo bibangamiye umutekano wa Afurika

Tanga igitekerezo

Kwamamaza

Developed by Amitabha Technology, Inc.