DOVE MAGAZINE

Hon. Mukabalisa Perezida mushya w’ishyaka PL

Share Button

Perezidante w’Inteko ishinga amategeko, Mukabalisa Donatille ni we watorewe kuyobora ishyaka riharanira kwishyira ukizana kwa muntu PL (Parti Liberal).

Yasimbuye Protais Mitali wahoze ayobora iryo shyaka, nyuma akaza kwirukanwa akurikiranyweho gukoresha nabi umutungo w’abanyamuryango.

Perezidante Mukabalisa Donatille wari watanzwe nk’umukandida kuri uyu mwanya na depite François Byabarumwanzi akaba ariwe wenyine wahatanye, Perezidante Mukabalisa yatowe ku majwi 569 kuri 577.

Ku mwanya wa Visi Perezida wa mbere hatowe Munyangeyo Theogene wagize amajwi 472 kuri 577, akaba yatowe ku kigero cya 81.8%.

 

Mukabalisa Donatille
Mukabalisa asimbuye Protis Mitali ushinjwa ubuhemu

Komite isanzweho yari iyobowe na Mukabalisa Donatille, wayiyoboraga by’agateganyo nyuma y’uko Mitali wari Perezida w’ishyaka mu gihe cy’imyaka irindwi ahunze.

Mukabalisa yari Visi Perezida wa mbere, uwa kabiri ari François Byabarumwanzi, naho Dr Odette Nyiramirimo ari Umunyamabanga Mukuru.

Komite yari isanzwe iyobora yatowe mu nteko rusange yahuje Kongere ya gatanu ya PL ku wa 16 Werurwe 2014.

Mitali Protais yagizwe Ambasaderi w’u Rwanda muri Ethiopiya muri Nyakanga 2014, ubwo yari asimbuye Amb Nsengimana Joseph.

Mitali yatangiye kuyobora ishyaka PL guhera mu mwaka wa 2007 kugeza Werurwe 2015. Ishyaka riharanira kwishyira ukizana kwa muntu, PL ryashinzwe mu 1991.


SRC: IMVAHO NSHYA

Perezida Kagame yakiriye Pierre Nkurunziza i Huye
EAC : Abakuru b’ibihugu batangije ikoreshwa rya pasiporo imwe
Miss Mutesi Jolly yafashije imiryango itishoboye 120 i Kinyinya
Dr Niyitegeka yaciwe Frw 1,400,000 binemezwa ko adafunzwe binyuranye n’amategeko

Tanga igitekerezo

Kwamamaza

Developed by Amitabha Technology, Inc.