DOVE MAGAZINE

Muhanga: Hatangijwe Ivuriro rikoresha umuti umwe ku indwara 36

Ivuliro Amazing  Health  Recovery House  riherereye  mu mujyi wa Muhanga mu murenge wa Nyamabuye, abirikoramo bavuga ko bakoresha umuti umwe ku ndwara 36, umurwayi ngo ahabwa  ingano y’umuti bitewe n’ibiro bye ndetse n’ubukana indwara yanduye ifite.

Umuti bakoresha bavuga ko ufite ubushobozi bwo kuvura indwara zirenga 30.

Ni ubwa mbere mu Rwanda haje Ivuliro arikoresha  umuti umwe ushobora kuvura indwara  36 abarwayi bafite hakoreshejwe ibitonyanga  abaforomo n’abaganga banyuza mu kanwa, mu maso no mu mazuru ndetse bakawusiga no ku mibiri bitewe n’uko indwara imeze.

Joseph Kubwimana umuyobozi w’Ivuliro Amazing  Health  Recovery House mu Karere ka Muhanga, avuga ko bifuje gutangiza iri vuliro bitewe n’ubuhamya bw’abarwayi benshi bagiye bavurirwa muri aya mavuliro ku mugabane w’iburayi, Aziya, Amerika ndetse no mu bihugu bimwe by’Afrika bifite aya mavuliro.

Kubwimana avuga ko mu gihe cy’ukwezi bamaze batangiye muri Muhanga hari abarwayi barenga 50 bavuye indwara zitandukanye bagatanga ubuhamya ko bakize.

Uyu Muyobozi w’iri vuliro kandi avuga ko bafite imashini igezweho yerekana uburwayi umuntu afite batabanje kumubaza indwara yumva afite.

Ati “Abantu babanje gushidikanya kubera ko  mu Rwanda nta rindi vuliro rivura izi ndwara bazi, ariko batangiye kwemera kuko hari abakize.”

Mu ndwara zikomeye bakunze kuvura harimo indwara abantu bakunze kwita iza karande nka  Diyabeti, Umwijima, Umuvuduko w’amaraso, umutima, impyiko, kongerera abasirikare umubiri ku bantu bafite agakoko gatera SIDA, Malaria n’izindi.

Mbere y’uko batangira ngo babanje gusaba icyemezo Minisiteri y’ubuzima, n’Ikigo cy’Igihugu gishinzwe iterambere(RDB) kugira ngo bakore bisanzuye kandi nta rwikekwe.

Kubwimana avuga ko mu minsi mike hari umuterankunga uteganya kubaha imiti izajya yorohereza abarwayi ba Cancer.

Imwe mu mashini bifashisha mu gusuzumaImwe mu mashini bifashisha mu gusuzuma


SRC:UMUSEKE

Karongi: Gitifu arashinjwa gukubita abaturage akabagira intere
Umwarimu wa kaminuza uherutse kwiyambika ubusa yareze igitangazamakuru
Manchester United irakoza imitwe y'intoki kuri myugariro Eric Bailly
Icyuho cyari mu mategeko cyatumaga hatangwa ibihano bitangana gishobora kuvanwaho

Tanga igitekerezo

Kwamamaza

Developed by Amitabha Technology, Inc.