DOVE MAGAZINE
The Next Star Rwanda

Misiri: Uwahoze ari Perezida, Mohamed Morsi ntakishwe

Share Button

Urukiko rusesa imanza mu Misiri rwafashe umwanzuro wo gukuraho igihano cy’urupfu cyari cyakatiwe Mohammed Morsi wigeze kuyobora iki gihugu, nyuma akaza guhirikwa ku butegetsi.

Morsi yari yakatiwe igihano cyo kwicwa hamwe n’abandi bantu bagera ku 100 mu 2015, nyuma yo guhamwa n’ibyaha byo gufatanya n’abarwanyi b’abanyamahanga [Abashia ba Hamas na Hezbollah] mu gutegura ibikorwa byo gutorokesha imfungwa, mu 2011.

Yanakatiwe kandi igihano cyo gufungwa burundu kubera ibyaha by’iterabwoba.
Inkuru dukesha BBC ivuga ko kuri uyu wa kabiri aribwo urukiko rwakuyeho kiriya gihano cy’urupfu yari yarakatiwe. Ibi bisobanuye ko azongera gukatirwa bundi bushya.

Urukiko kandi rwatesheje agaciro igihano cy’urupfu cyari cyakatiwe abayobozi batanu b’ishyaka rya Muslim Brotherhood n’abandi banyamurwango baryo 25.

Ibi bihano byo kwicwa biteshejwe agaciro mu gihe mu ntangiriro z’uyu mwaka umuyobozi mukuru muri Islam, Grand Mufti Shawqi Allam yari yemeye ko bishyirwa mu bikorwa.

Morsi watorewe kuyobora Misiri muri Kamena 2012 nyuma y’umwaka umwe yaje guhirikwa na Perezida Abdel Fattah al-Sissi icyo gihe wari Umugaba Mukuru w’Ingabo.

Kuva Morsi yahirikwa ku butegetsi mu 2013, ubuyobozi bwataye muri yombi bunacira imanza ababaga mu ishyaka rye rya Muslim Brotherhood aho abagera ku 1400 bishwe, abandi benshi barafungwa.

Uwahoze ari Perezida, Mohamed Morsi ntakishwe


SRC: IGIHE

Umusore witwa Leigh ngo buri gihe iyo nyina agiye gutera akabariro agomba kumufotora
Umunyamideli Bar Refaeli yatawe muri yombi
Umujyi wa Kigali watangiye guca imyubakire y’akajagari unyuze mu bafundi
Muhanga: Impanuka ikomeye yakomerekeyemo benshi

Tanga igitekerezo

Kwamamaza

Developed by Amitabha Technology, Inc.