DOVE MAGAZINE

Menya imigani mihimbano iri kuzanwa n’urubyiruko muri iyi minsi

Mu gihe mu Kinyarwanda twari dusanzwe tumenyereye ko hari imigani migufi ifite aho yakometse,icyabaga cyabaye  ndetse ikanamenyekana kuburyo inifashishwa ahantu henshi doreko icyo gikorwa cyabaga cyabaye ikimenya bose.Nyamara kubera  iterambere ndetse no gutebya biri kwiyongera muri iyi minsi, hari indi migani iri kugenda izanwa n’urubyiruko igaragaza imibereho yabo yaburi munsi ndetse n’ibyo bakora, ariko akenshi  na kenshi bakabikora mu rwego rwo gusetsa.

Dore rero ibyabaye nk’imigani yavutse vuba :

• Utazi ubwenge abona zero

• Ushaka inka arayigura.

• Inda nini yishe umukandara

• Uruciye inyuma aba ashaka kwiba

• Akaburiye Google ntikaboneka kuri Facebook

• Ako umugore ashatse aruhuka akagezeho

• Akarenze umunwa barakumva

• Ijambo rya mukuru araryivugira

• Uwikeka amabinga aba arwaye bwaki

• Akagabo gahimba hari abagore gusa

• Uwigize agatebo bamutwaramo imineke

• Akabura ntikaboneke nuko katabaho

• Uwendeye nyina mu nyenga baramufunze

• Akarushya ihamagara ntikarabatizwa

• Uwanga amazimwe aba ibubu

• Ibyaye ikiboze irakijugunya

• Uwanze kumvira se na nyina yumvira tonton

• Ukorora acira baramufunga

• Utazi ubwenge ajya kuri Google

• Ukuri gushirira kuri Facebook

• Urucira mukaso agahita yahukana

• Utigerera mu Rugwiro abeshywa byinshi

• Ijya kurisha ihera ahari ubwatsi

• Aho umwaga utari isambusa barayisangira

• Amazi arashyuha aRiko ntiyibagirwa muri frigo

• Umugabo mbwa aseka Umutijiste

• Abahuje inama bayikorera inyandikomvugo

• Uwariye niwe wandurura amasahani

• Ukize inkuba ashaka paratonnerre

• Isoni zinywesha orange wanywaga waragi

Gutarasa ntibibuza umushomeri guhondwa

Ibebi ni nk’imodoka ishyirwamo lisanse

Tukaba rero tuzakomeza kwakira imigani migufi muzagenda mutwoherereza ndetse tureba n’icyo iba igamije doreko abasheshe akanguhe bashinja urubyiruko kwica no kwangiza bikomeye umuco nyarwanda aho nk’imigani, ibisakuzo ndetse n’ibindi byari bifashe umuco biri kwangizwa.


 

Elysée TWIZERIMANA
WWW.DOVE.RW

 

Tom Close yamuritse ibitabo by’abana amaze imyaka 10 yandika
Urban Boyz izakora igitaramo kizabanzirizwa na siporo mu mihanda ya Kigali
Kigali:Kubera isoni, batinya kugura agakingirizo bagahitamo gukorera aho
Jay Z azaherekeza Hillary Clinton mu kwiyamamaza

Tanga igitekerezo

Kwamamaza

Developed by Amitabha Technology, Inc.