DOVE MAGAZINE

Mali yisunze Zambia, iba ikipe ya 8 igeze muri 1/4 cya CHAN

Ikipe y’igihugu ya Mali ibaye ikipe ya 8, iheruka izindi mu kubona tike ya ¼ mu mikino nyafurika y’abakinnyi bakina muri za shampiyona z’iwabo, CHAN 2016, irushanwa riri kubera mu Rwanda ku nshuro ya kane, nyuma yo kunganya na Zambia ubusa ku busa.

 

Ikipe y’igihugu ya Mali ibaye ikipe ya 8

                                                                                                    Ikipe y’igihugu ya Mali ibaye ikipe ya 8

Ni umukino amakipe yombi yaje gukina ahabwa amahirwe yo gukomeza muri ¼ cyane ko kuri Zambia yari yaramaze kubyizera mu gihe Mali yo yasabwaga nibura inota rimwe kugira ngo riyiheumutekano igihe Uganda yari kubasha gutsinda Zimbabwe.

Amakipe yombi yakiniye umupira mu kibuga hagati, nta gusatira izamu kwagaragaye gukomeye mu minota 90 y’uyu mukino wabereye kuri stade Regionale i Nyamirambo.

Mali yatangayiye ishaka gutsinda, yabonye uburyo bwiza ku munota wa kabiri w’umukino ku musore wayo Sinayoko ariko umupira ushyirwa muri koruneli nab a myugariro ba Chipolopolo, ikipe y’igihugu ya Zambia.

Ubundi buryo bwashoboraga guhagurutse abafana bari i Nyamirambo, hari ku munota wa 38 w’umukino, ubwo Dieng yarekuraga umuzinga w’ishoti ariko Banda, umuzamu wa Zambia, araryama umupira awushyira muri koruneli itagize icyo itanga.

Zambia yakinaga uyu mukino idafite umukinnyi wayo wo hagati Salula Phiri ufite imvune ndetse ikaba yari yaramaze kwizera gukomeza, yakinnye iminota 45 y’igice cya kabiri yugarira mu rubuga rwayo.

Zambia ikaba isoje imikino yo mu itsinda rya mbere iri imbere n’amanota 7, Mali ifite amanota 5.

Undi mukino wo mu itsinda D wabereye i Rubavu, Uganda ya Micho yanganyije na Zimbabwe igitego 1-1.

Muri 1/4, Zambia izakina na Guinea mu gihe Tunisia izahura na Mali. Imikino yombi izaba ku Cyumweru.

Ababanjemo:

Zambia: 1 Banda, 3 Kabamba, 4 Munthali, 13 Chama, 2 Sakala, 7 Sautu, 14 Chirwa, 12 Sakala, 17 Chama, 11 Katongo, 20 Daka.

Mali: 16 Diarra, 21 Dante, 5 Assoko, 18 Dieng, 6 Sekou Diarra, 7 Toure, 12 Samake, 13 Sissoko, 19 Diarra, 9 Sinayoko, 23 Koita.


 

SRC: RUHAGOYACU

Kigali: Abayobozi ba CAF bahisemo uwo bazashyigikira mu matora ya FIFA
Volleyball: Ndamukunda wakubise umusifuzi yaciwe amande y’ibihumbi 250
Amavubi yagumye ku mwanya yari ariho ku rutonde rwa FIFA
APR FC yananiwe Marines igiye gushakira umwanya wa mbere kuri AS Kigali

Tanga igitekerezo

Kwamamaza

Developed by Amitabha Technology, Inc.