DOVE MAGAZINE
DOVE RECORDS, INC.

Kigali: Ibihugu 11 birigira ku buryo Umuhora wa Ruguru wihutisha iterambere

Ibihugu 11 bighuriye ku mushinga w’iterambere nyafurika rishingiye ku buhanga n’ikoranabuhanga (Smart Africa) birifuza gukora nk’uko ibihugu bigize Umuhora wa Ruguru ukora mu kwihutisha ibikorwa by’iterambere.

Abayobozi bakuru bahagarariye ibihugu byabo, ibigo by’Itumanaho n’abandi bahuriye muri iyi nama guhera kuri uyu wa Mbere tariki 18 Mata 2016, bagamije guhuriza hamwe ibitekerezo kuri gahunda yo guhuza umurongo w’itumanaho muri ibi bihugu mu buryo bwihuse (One Network Area/ONA), no gufata ingamba zagenderwaho mu gukora ibishoboka byose ngo itumanaho rikomeze gutera imbere.

Guhuza uyu murongo ngo bizagabanya amafaranga y’umurengera yacibwaga abantu bagerageje itumanaho bari mu bihugu bitari ibyabo, bifashe mu kubaka Afurika imwe ihujwe n’ikoranabuhanga.

Minisiteri y’Urubyiruko n’Ikoranabuhanga mu isakazabumenyi (MYICT)

Minisiteri y’Urubyiruko n’Ikoranabuhanga mu isakazabumenyi (MYICT) yemeza ko bitarenze igihembwe cya mbere cy’umwaka wa 2016, mu Rwanda hazaba hatangiye gukorera ubunyamabanga bw’umushinga ‘Smart Africa’ ugamije kwagura iterambere ry’Afurika hifashishijwe ikoranabuhanga.

U Rwanda rwatoranyijwe kubakwamo icyicaro mu gihe rukataje mu guharanira kwinjiza ikoranabuhanga mu iterambere rya buri rwego rw’imibereho y’abaturage.U Rwanda, Uganda, Kenya na Sudani y’Epfo ni byo bihugu bihuriye mu Muhora wa ruguru byiyemeje kwihutisha Iterambere ry’Umuryango wa Afurika y’Iburasirazuba.


SRC: IMVAHO NSHYA
Umukecuru yatakambiye Kayirebwa amusaba kugaruka gutura i Kigali
Dr Léon Mugesera yakatiwe gufungwa burundu
Jay Polly na Ama G bagiye gukora ibitaramo bitanu muri Uganda
Nyuma ya Kinshasa Riek Machar yerekeje muri Sudani kwivuza

Tanga igitekerezo

Kwamamaza

Developed by Amitabha Technology, Inc.