DOVE MAGAZINE
DOVE RECORDS, INC.

Kaneza Lynca agiye guhagararira u Rwanda mu irushanwa ry’ubwiza i Mombasa

Kaneza Lynca Amandah wegukanye umwanya wa mbere mu bakobwa berekana imideli mu Rwanda muri 2015 yatoranyijwe kuzaserukira u Rwanda mu marushanwa y’ubwiza ‘Global world Miss Orient Universe’ azabera i Mombasa.

Uyu mukobwa w’imyaka 20 y’amavuko azahatana n’abakobwa bazaturuka mu bihugu byinshi bya Afurika no ku yindi migabane mu irushanwa Global world Miss Orient Universe ritegurwa na Miss Orient Foundation yo muri Nigeria.

Kaneza Lynca yagize ati “Ni irushanwa risanzwe ryitabirwa cyane n’abanyamideli, bahatana n’abandi basanzwe ari ba nyampinga mu bihugu byabo. Uyu mwaka barampamagaye, bambwiye ko ngomba kuzahagararira u Rwanda […] Narabyishimiye cyane kandi niteguye kuzakora neza.”

Mu bakobwa amaze kumenya ko azahurira na bo muri iri rushanwa, harimo abo muri Ethiopia, Ghana, Nigeria, u Burundi, Kenya, Tanzania, Afurika y’Epfo n’abandi batandukanye.

Ibihugu byatoranyijwe kuzitabira irushanwa rya Global world Miss Orient Universe harimo ibifitemo abakobwa barenze babiri gusa u Rwanda rufitemo umukobwa umwe ni nayo nshuro ya mbere rugiye kwitabira iri rushanwa.

Ni ku nshuro ya kabiri rigiye kuba kuko ryabaye bwa mbere mu mwaka wa 2015. Abaritegura bavuga ko bahisemo ko ribera muri Kenya mu rwego rwo gufatanya na leta guhangana n’ibibazo by’ihohoterwa ry’abakobwa ryafashe intera ndende muri iki gihugu.

Global world Miss Orient Universe rizabera i Mombasa kuwa 2 Nzeri 2016, abakobwa bagomba kugerayo kuwa 24 Kanama 2016 bagahita batangira umwiherero. Abahatanira ikamba bazasura ibigo bitandukanye haba ibikora ibikorwa byo guteza imbere uburinganire muri Kenya, ibyita ku bakobwa bahohotewe, ibirera imfubyi n’ibigo by’amashuri.

Kaneza Lynca asanzwe ari umunyamideli ukomeye mu Rwanda

Kaneza Lynca, ni Umunyarwandakazi wavukiye muri Komine ya Cibitoke mu Burundi mu mwaka wa 1996. Amashuri abanza yaze mu Ngagara ahakomereza n’ayisumbuye mu ishami ry’Amahoteli n’Ubukerarugendo.

Ibyo kwerekana imideli agiye kubimaramo hafi imyaka ibiri gusa kuko yabitangiye nk’umwuga mu mwaka wa 2013. Muri 2015 yatowe nk’umukobwa uhiga abandi mu kwerekana imideli [Top Super Model] mu Rwanda.

Kaneza Lynca agiye guhagararira u Rwanda mu irushanwa ry’ubwiza i Mombasa


SRC: IGIHE

Undi mukinnyi wa Cameroun yapfiriye mu kibuga
Intimba n’agahinda mu muryango ufite umuhungu wateye inda mushiki we, agakatirwa gufungwa imyaka 10
Umutoniwase na Knowless bari mu bazahabwa ibihembo bikomeye i Lagos
Pierrot, Savio, Masoudi, Bakame mu begukanye ibihembo by’abahize abandi mu mwaka

Tanga igitekerezo

Kwamamaza

Developed by Amitabha Technology, Inc.