DOVE MAGAZINE

Jenoside ku Gisenyi: Abayobozi baticaga Abatutsi barakubitwaga

Itotezwa n’urugomo ku bashinjwaga kuba ibyitso by’inkotanyi, ni bimwe mu byakorerwaga abatari bemeye gushyira mu bikorwa umugambi wo kurimbura Abatutsi mu cyahoze ari Perefegitura ya Gisenyi aho Perezida Habyarimana Juvenal n’umugore we bari batuye

Itegurwa ry’umugambi wo kurimbura Abatutsi muri Jenoside mu gace uwahoze ari Perezida Habyarimana nk’uko itsinda ry’abashakashatsi muri Komisiyo y’igihugu yo kurwanya Jenoside CNLG babishyize ahagaragara kuri uyu wa Kabiri, byatangiye ubwo perezida yatorwaga Abanyarwanda bakigishwa ko Umututsi ari umwanzi.

Igitabo cya Mafeza Faustin na Gahongayire Liberate “Itegurwa n’ishyirwa mu bikorwa rya Jenoside mu yahoze ari Gisenyi” kigaragaza ko guhera ku ngoma ya Kayibanda Gregoire mu 1959 Umunyarwanda wabarurwaga nk’Umututsi yatangiye guhezwa no gutotezwa mu nzego z’ubuzima bw’igihugu zose bikagera no ku rugomo rwamukorerwaga.

Minisitiri w’Umuco na Siporo Uwacu Julienne, ibumoso bwe Umunyamabanga Nshingwabikorwa wa CNLG, Dr. Jean Damascene Bizimana bitabiriye imurikwa ry’icyo gitabo
Minisitiri w’Umuco na Siporo Uwacu Julienne, ibumoso bwe Umunyamabanga Nshingwabikorwa wa CNLG, Dr. Jean Damascene Bizimana bitabiriye imurikwa ry’icyo gitabo

Iki gitabo kije gikurikira inyandiko ya Komisiyo y’igihugu yo kurwanya Jenoside (CNLG) ku mateka y’icyahoze ari Perefegitura ya Gisenyi mbere no mu gihe cya Jenoside yakorewe Abatutsi yashyizwe ahagaragara mu mwaka wa 2014, aho abayobozi bari mu bagize itsinda ry’ubwicanyi ariko batabyemerera imiryango iharanira uburenganzira bwa muntu.

Nyuma yo guhirikwa ku ngoma na Habyarimana ubushakashatsi buvuga ko mu 1992 hatangiye gutozwa urubyiruko rw’Interahamwe no gutangwa imbunda n’ibindi bikoresho biherekejwe n’urutonde rw’abagomba kwicwa bikozwe n’abari bakomeye mu gisirikare na politiki mur ivyo gihe.

Umugambi wa Jenoside waje gushyushywa n’amagambo yo mu mbwirwaruhame za Mugesera Leon uherutse gukatirwa burundu n’urukiko Rukuru mu Rwanda, na Col. Bagosora aho kwica Umututsi byahabwaga indi nyito bikaza gukorwa nka Jenoside mu ijoro ryo kuwa 6 rishyira ku wa 7 Mata 1994 ubwo indege ya Perezida Habyarimana yahanurwaga i Kigali.

Aba bashakashatsi bavuga ko mu makonine 12 yahoze agize Perefegitura ya Gisenyi yose yakorerwagamo ubwicanyi ku buryo ubu habarurwa abagera ku bihumbi 70 bashyinguwe mu cyubahiro mu gihe abatuye muri utwo duce kugeza ubu bataratanga amakuru ku bandi bari mu zindi nzibutso ngo bimenyekane niba barazize jenoside cyanngwa urundi rupfu.

Abo bashakashatsi bavuga kandi ko bigoye muri ako gace gutahura ibimenyetso bindi biranga amateka ya Jenoside yakorwe Abatutsi mu 1994 kuko hakiri n’ahacishijwe imihanda nyamara bizwi ko hajugunywe imibiri y’abazize Jenoside.


SRC: IMVAHO NSHYA

Amb. Kamanzi yasogongeje abiga muri ’American University’ inkomoko y’iterambere ry’u Rwanda
D’banj yarongoye mu ibanga
Umwana na Nyina barakekwaho kwica urw’agashinyaguro Ihene 33
Wapfa utarongoye aho gupfana agahinda utewe n’uwo washatse – Apotre Masasu

Tanga igitekerezo

Kwamamaza

Developed by Amitabha Technology, Inc.