DOVE MAGAZINE

Isiraheli yanze gutangaza amabanga y’intwaro yagurishije abakoze Jenoside

Urukiko rw’ikirenga rwa Isiraheli rwateye utwatsi ubusabe bwo gushyira ahagaragara amabanga arebana n’intwaro icyo gihugu cyagurishije mu Rwanda mu gihe cya Jenoside yakorewe Abatutsi.Intwaro za Isiraheli zaba zarakoreshejwe muei Jenoside yakorewe Abatutsi

Ni nyuma y’ubusabe bw’umunyamategeko Eitay Mack n’Umwalimu muri Kaminuza Yair Auron, bashakaga ko minisiteri y’ingabo ya Isiraheli itanga amakuru afatika y’intwaro yagurishije mu Rwanda hagati ya 1990 na 1995.

Abo bagabo bavuga ko abaturage ba Isiraheli bakeneye kumenya niba igihugu cyabo cyaratanze intwaro zifashishijwe mu kwica inzirakarengane z’Abatutsi, byaba ngombwa Isiraheli igasaba u Rwanda imbabazi.

Intwaro za Isiraheli zaba zarakoreshejwe muei Jenoside yakorewe Abatutsi

Urukiko rw’Ikirenga rwanzuye ko nubwo abaturage bafite uburenganzira bwo kumenya ayo makuru, hari izindi mpamvu zikomeye zirebana n’umutekano ndetse n’ububanyi n’amahanga zituma ayo mabanga agomba gukomeza kugirwa ibanga.

Umwanzuro w’urukiko uragira uti” Twasanze gutangaza amakuru ntacyo byamarira abaturage nk’uko ababisabaga babigaragazaga; ahubwo kubitangaza twamaze kubona ko byagira ingaruka ku mutekano n’ububanyi n’amahanga.”

Mack na Auron bashinja Leta ya Isiraheli kugurisha rwihishwa intwaro kuri Leta yakoze Jenoside mu gihe Akanama k’Umutekano kari kategetse ko nta gihugu cyongera kugurisha intwaro mu Rwanda.

Bati” Ibyegeranyo bitandukanye byagaragaje ko intwaro zagurishijwe mu Rwanda mu gihe cya Jenoside mu buryo butemewe n’amategeko mpuzamahanga, mu gihe Akanama k’Umetekano kari katanze akato.”

Bavuga ko urukiko rw’ikirenga rwafashe umwanzuro udafututse mu rwego rwo guhishira amakosa Isiraheli yakoze muri icyo gihe.

Mack yabwiye Press Tv ati” Ku bwacu, ubu ni ubwikanyize bwa Leta ya Isiraheli. Tuzakomeza gushyira ahagaragara ukuri ndetse no gushyikiriza ubutabera Abayisiraheli bagize uruhare mu bwicanyi bwabereye mu Rwanda.”

Bivugwa ko Isiraheli yagurishije intwaro zirimo imbunda, amasasu n’imipanga byakoreshejwe n’abasirikare n’Interahamwe, mu kwica Abatutsi hirya no hino mu gihugu mu 1994. Icyo gihe Akanama ka Loni kari kabujije ibihugu byose kugurisha intwaro mu Rwanda kubera Jenoside.


SRC: IMVAHO NSHYA

Min. Gatete yahishuye ibanga u Rwanda rukoresha rugatera imbere
Perezida Kagame yemeza ko agaciro k’umugore kadakwiye gushidikanywaho
Teta na Vanessa wemera ko yaryamanye na Olivis ntabazi impamvu ikiganiro cyabo cyahagaritswe
Amabanga buri mugore akwiye kumenya mu gutera akabariro

Tanga igitekerezo

Kwamamaza

Developed by Amitabha Technology, Inc.