DOVE MAGAZINE

Incamake ya gahunda y’inama ya AU igiye kubera mu Rwanda

Share Button

Kuva tariki ya 10 kugera ku ya 18 Nyakanga 2016 mu Rwanda hazabera inama ya 27 y’Umuryango w’Ubumwe bw’ibihugu by’Afurika, izahuza abakuru b’ibihugu na za Guverinoma muri Afurika.

Kuva ku itariki ya 10 kugera ku ya 12 Nyakanga, hazaba ibiganiro bizitabirwa na b’Ambasaderi b’ibihugu by’Afurika, abahagarariye ibihugu muri AU, ndetse n’abakozi b’inzego na Komisiyo bya AU.

Naho kuba ku ya 13 kugera ku ya 15, hazaba inama nshingwabikorwa, izahuza Abaminisitiri b’Ububanyi n’Amahanga b’ibihugu bya Afurika, ba Ambasaderi, inzego za AU na Komisiyo ya AU, ndetse na komite z’ubukungu zo guhuza imbaraga mu turere.

Inyubako ya Kigali Convention Center izakira inama ya AU

Inyubako ya Kigali Convention Center izakira inama ya AU

Ku ya 16 Nyakanga, ni bwo Abakuru b’Ibihugu na za Guverinoma muri Afurika bazahurira mu ihuriro APRM ryashyizweho kugira ngo baganire ku iterambere ry’ubukungu n’imibereho myiza y’abaturage.

APRM ni kimwe mu bice by’Umugambi Mushya w’Ubufatanye mu Iterambere ry’Afurika (NEPAD). Muri iyi gahunda, aba bakuru b’ibihugu bazaba bari kumwe na ba Minisitiri b’Ububanyi n’Amahanga.
Kuri iyi tariki kandi , hazaba inama izaganira ku mahoro n’umutekano muri Afurika. Iyi nama ikaba izitabirwa n’Abakuru b’Ibihugu na za Guverinoma, ba Minisitiri b’Ububanyi n’Amahanga, b’Ambasaderi b’ibihugu ndetse na Komisiyo y’Ubumwe bw’Afurika.

Ku itariki ya 17 na 18 Nyakanga, hazaba inama nyamukuru y’Umuryango w’Ubumwe bw’Ibihugu by’Afurika, AU, izahuza abakuru b’Ibihugu na za Guverinoma, abahoze ari abakuru b’ibihugu, ba Minisitiri b’Ububanyi n’Amahanga , ba Ambasaderi, Komisiyo y’Ubumwe bw’Afurika ndetse na komite z’ubukungu no guhuza imbaraga mu turere.

Kuri ayo matariki kandi, abagore b’Abakuru b’Ibihugu bya Afurika bazahurira mu nama rusange y’umuryango wabo wo kurwanya Sida muri Afurika (OAFLA).

Muri rusange iyi nama y’umuryango w’Ubumwe bw’Ibihugu by’Afurika izabera mu Rwanda, izibanda ku burenganzira bw’abagore, ku burezi, ubuzima, umutekano n’urujya n’uruza rw’abantu n’ibintu.


SRC:IMVAHO NSHYA

Nirisarike yavuye mu cyiciro cya mbere mu Bubiligi ajya mu cya kabiri
Perezida Kagame yasuye Maroc
U Bubiligi: Babiri batawe muri yombi bakekwaho umugambi w’ibitero by’iterabwoba
Filime ivuga ku muco wo ‘kunyaza’ yatangiye gusakara i Burayi

Tanga igitekerezo

Kwamamaza

Developed by Amitabha Technology, Inc.