DOVE MAGAZINE

Inama y’Umuryango wa Afurika Yunze Ubumwe (AU) yasojwe nta nkomyi – Polisi y’u Rwanda

Share Button

Inama ya 27 y’Umuryango wa Afurika Yunze Ubumwe (AU) yabaye hagati y’itariki 10 na 18 Nyakanga igeze ku musozo, Polisi y’u Rwanda irashima uruhare rw’abafatanyabikorwa bose bagize uruhare kugira ngo igihugu n’aho inama yaberaga by’umwihariko harangwe n’umutekano kugera isojwe.

Kuba iyo nama yarabaye mu mutekano usesuye byatewe n’ubufatanye bw’inzego zinyuranye zirimo abafatanyabikorwa batandukanye n’inzego z’umutekano ndetse no kuba abaturage barakurikije amategeko n’ababwiriza, ibi byunganiwe kandi no guhanahana amakuru neza kandi ku gihe.

Ubwo yabaga, abatuye mu Mujyi wa Kigali, abafatanyabikorwa mu bijyanye n’umutekano n’ubuyobozi bw’inzego z’ibanze bagize uruhare rugaragara mu kugira ngo iyo nama ibe mu mutekano usesuye.

Abakoresha umuhanda, cyane cyane abatwara ibinyabiziga bakurikije inama bagiriwe ku mikoreshereze yawo, kandi uwakeneraga kumenya amakuru arambuye ku ikoreshwa ry’imihanda yahabwaga ibisobanuro, ibyo bikaba byaratumye ikoreshwa neza.

Uyu muco ukomeje kuranga umuryango nyarwanda utanga icyizere ko n’izindi nama mpuzamahanga zizakorwa mu mutekano usesuye.

Ibi bijyanye n’intego ya Polisi y’u Rwanda ari yo”Abaturarwanda bafite umutekano, babigizemo uruhare, kandi barawizeye.”

ACP Celestin Twahirwa, Umuvugizi wa Polisi y’u Rwanda


SRC: IGIHE

Leta ya Congo yijeje Loni ko igeze kure irandura FDLR
Amerika yahagaritse gahunda y’imyitozo ya gisirikare yageneraga ingabo z’u Burundi
Burundi: Babiri baguye mu mirwano na polisi
Iran yarekuye abanyamerika 10 bari bavogereye amazi yayo

Tanga igitekerezo

Kwamamaza

Developed by Amitabha Technology, Inc.