DOVE MAGAZINE

Imbamutima za Murekezi wagize amahirwe yo kumenywa na Perezida Kagame

Share Button

Kuri uyu wa Gatatu Perezida Paul Kagame yashyizeho Minisitiri w’Intebe mushya Dr Edouard Ngirente asimbuye Anasatse Murekezi wari kuri uwo mwanya, we amugira Umuvunyi Mukuru.

Murekezi wari umaze imyaka itatu ari Minisitiri w’Intebe w’u Rwanda, umwanya yagiyeho asimbuye Dr Habumuremyi Pierre Damien.

Mu irahira rya Minisitiri w’Intebe mushya, Perezida Kagame yahise atangaza ko ashimira Murekezi uko yakoze neza inshingano yari ashinzwe muri Guverinoma icyuye igihe, anizeza Abanyarwanda ko agomba gushingwa indi mirimo .

Iki cyizere Umukuru w’Igihugu yamugiriye, Murekezi uvuga ashikamye ku butumwa atanga, ubwo yahererekanyaga ububasha n’umusimbuye kuri uyu wa Kane, yagaragaje imbamutima ze ashimira Perezida Kagame wamwizeye kuva ari umukozi usanzwe kugeza amugize Minisitiri w’Intebe.

Yagize ati “Njye nagize amahirwe adasanzwe yo kumenywa na Perezida Paul Kagame kuko nari umukozi wa Leta usanzwe guhera muri Repubulika ya Kabiri.Natangiye imirimo muri 1980, nkora imirimo icyo gihe bitaga ngo sécretaire d’adaministration, nza kujya gukorera umushinga, mvayo mba Umuyobozi Mukuru w’ubuhinzi, mvayo ndongera nyobora undi mushinga, haza Jenoside. Nyuma ya Jenoside nari mu ishyaka rya PSD noneho duhura na FPR Inkotanyi turaganira, turumvikana turakorana neza ubwo mpita mba Umuyobozi Mukuru muri Minisiteri y’ubuhinzi n’ubworozi, ndakomeza mba Umunyamabanga Mukuru.”

Murekezi avuga ko yagiye ahabwa indi mirimo harimo n’iyagiye imugora, birangira agizwe Umunyamabanga wa Leta muri Minisiteri y’ubucuruzi n’Inganda.

Ati “Perezida arantoranya angira Umunyamabanga wa Leta ushinzwe inganda n’ishoramari nyuma y’umwaka umwe angira Minisitiri w’ubuhinzi n’ubworozi, angira Minisitiri w’abakozi ba Leta n’umurimo imyaka itari mikeya, angira Minisitiri w’Intebe, murumva kumushimira nanabishobora? Noneho rero yangize Umuvunyi Mukuru w’u Rwanda!”

Murekezi Anastase yasimbuye Aloysie Cyanzayire wari Umuvunyi Mukuru kuva 2012.

Nyuma yo kugirwa Umuvunyi Mukuru, Murekezi yanditse ubutumwa kuri Twitter ati ” Ndashimira Nyakubahwa Paul Kagame ku cyerekezo cyiza yampaye igihe nari Minisitiri w’Intebe. Nishimiye inshingano nshya yampaye kandi nzakomeza gukorana umurava.”

Murekezi Anastase ahererekanya ububasha na Minisitiri w’Intebe mushya, Dr Ngirente Edouard

SRC: IGIHE

Tanzania ifite ubwoba ko Al Shabaab ishobora kuyibasira muri iyi minsi
Kigali – Abasilamu bahawe imodoka n’inzu byo gukoresha batunganya abapfuye
Umuhererezi wa Perezida Kagame yarangije amashuri yisumbuye
RDC: Igitero “cy’iterabwoba” cyaguyemo abantu 36

Tanga igitekerezo

Kwamamaza

Developed by Amitabha Technology, Inc.