DOVE MAGAZINE

FDLR yanditse Bibiliya ifatisha bugwate Abanyarwanda ngo badatahuka

Share Button

Nubwo hari amayeri menshi akoreshwa n’umutwe wa FDLR ubuza abanyarwanda gutahuka, abahoze ari abarwanyi b’uwo mutwe bawuvuyemo bakaba baratashye mu Rwanda, batangaza ko FDLR yanditse bibiliya yifashishwa mu gufata bugwate abahirahira kugaruka mu Rwanda isaha itaragera.

Iyi Bibiliya ngo irimo amagambo agaragaza ko u Rwanda ari igihugu cyabo Imana yabasezeranyije ko bazagitahamo, bityo bakaba bagitegerezanyije kwihangana.

Iyi Bibiriya byemezwa ko yanditswe na FDLR yifashishwa mu gukomeza kurema agatima impunzi, bityo bigatuma zidatahuka “isezerano ry’Imana” ritaruzuzwa.

Ikindi kandi ngo biremyemo udutsiko tw’amasengesho, nk’akabitwa Yezu Ntunsige, Mushumba Mwiza, bita amazina yuje amarangamutima y’abihebye bategerezanyije kwizera itahuka ryabo.

Aya matsinda akaba agaragaramo abapentikote ndetse n’abagaturika.

Ibi byo kwitwaza Imana hejuru y’ibikorwa bibi uyu mutwe ushinjwa bigaragarira no mu mazina yabo aho usangamo abitwa ba Byiringiro, Rumuri, Izabayo n’andi menshi bihimba bari mu mashyamba.

Aha kandi birashoboka ko n’im iryango itandukanye ishamikiye no ku madini na yo yaba igira uruhare mu isakazwa ry’inyigisho ziva muri Bibiliya ya FDLR.

Umwe mu bahoze muri FDLR Mbabazi Jean Paul ubundi witwaga Ndugu Jean Paul ubwo yumvikanaga mu Kiganiro “Isange mu banyu” gica kuri Radio Rwanda yagaragaje ko uwo mutwe w’abarwanyi mu mashyamba ukoresha ingengabitekerezo y’amoko, aho usanga babwirwa ko intego nyamukuru ari uguhirika ubutegetsi bw’abatutsi bwa Kigali.

Gusa we ngo yafashe umwanzuro wo kwitahira nyuma yo gutekekereza agasanga amoko icyo yasize mu Rwanda atifuza kongera kukibona.

FDLR ni umutwe ugizwe n’abanyarwanda barimo abagize uruhare muri Jenoside yakorewe abatutsi; ukaba ushinjwa ibyaha bitandukanye birimo ibyibasiye inyoko muntu byakorewe mu Burasirazuba bwa Repubulika iharanira Demokarasi ya Congo.

Perezida Kagame afite abe biciwe mu mashyamba ya Kaminuza i Huye
RDC: Abaturage biyemeje kuguma mu nzu iminsi itatu kubera FDLR
Umunyamerika yasabye u Rwanda gushora imari mu barimu
Jeannette Kagame ntahwema kwigira ku bitangiye ahazaza h’Abanyarwanda bose

Tanga igitekerezo

Kwamamaza

Developed by Amitabha Technology, Inc.