DOVE MAGAZINE

Donald Trump yatangiye gushyira inkoramutima ze mu myanya y’ubuyobozi

Donald Trump uheruka gutorerwa kuba Perezida wa Leta Zunze Ubumwe za Amerika (USA) yatangiye gushyira inkoramutima ze mu myanya y’ubuyobozi, aho yagize Reince Priebus Umunyamabanga Mukuru mu biro by’Umukuru w’igihugu, mu gihe Stephen Bannon we yamugize umujyanama we wihariye.

Mu itangazo yashyize ahagaragara, Donald Trump yagize ati “Ntewe ishema no gukomezanya n’ikipe ikomeye nari mfite tugakomeza no kuyobora igihugu. Steve na Reince ni abayobozi bo babishoboye, twakoranye neza mu rugamba rwatugejeje ku ntsinzi y’amateka. Ubu rero nzaba mbafite bombi mu ngoro y’umukuru w’igihugu, dufatanye gutuma Amerika irushaho kuba igihangange.”

Reince Priebus wagizwe Umunyamabanga Mukuru muri Perezidansi ya Trump, yari asanzwe ari umuyobozi w’Ishyaka ry’aba-republicains, akaba yari anafitanye ubucuti bwihariye na Paul Ryan, Umuyobozi w’Inteko Ishinga Amategeko.

Stephen Bannon yari asanzwe ari Umuyobozi w’Urubuga rwa Internet, Breitbart News, ruba ruriho ibitekerezo by’Aba-republicains, akaba ari we ugiye kuba Umujyanama wihariye wa Perezida Donald Trump.

Stephen Bannon, ni na we wari ukuriye ibikorwa byo kwiyamamaza bya Donald Trump.

Priebus ni we uzaba ashinzwe ingengabihe ya Perezida Donald Trump, kuko Umuyobozi ushinzwe gukora gahunda y’ibikorwa by’umukuru w’igihugu, akaba ari na we ushinzwe kugenzura abashaka kubonana na we.

VOA dukesha iyi nkuru itangaza ko mu iyimikwa ry’abo bagabo bombi ritavuzweho rumwe, aho bamwe nka Jonathan Greenblatt, Umuyobozi w’urugaga rushinzwe kurwanya isebanya, yavuze ko badashyigikiye ishyirwa mu mwanya rya Bannon kuko ari mu batibona na gato mu ndangagaciro z’Abanyamerika.

Stephen Bannon, wari ukuriye ibikorwa byo kwiyamamaza bya Donald Trump yagizwe umujyanama wihariye

Reince Priebus wagizwe Umunyamabanga Mukuru mu biro by’Umukuru w’igihugu


SRC: IGIHE

Sena yemeje umushinga wo kuvugurura itegeko nshinga
Perezida Puttin na Obama bakoranye mu ntoki bwambere
Musanze: Yambaye ubusa mu rukiko biteza akavuyo mu mfungwa, abacungagereza barasa mu kirere
ADEPR yahaye rugari abakirisitu bazambara bikini bakajya koga muri pisine

Tanga igitekerezo

Kwamamaza

Developed by Amitabha Technology, Inc.