DOVE MAGAZINE

Barcelona na Real Madrid bakomeje gushaka igikombe

Muri shampiyona ya Espanye Laliga, ibintu bitangiye gusobanuka kuko mu makipe 3 yahataniraga igikombe, imwe muri zo yamaze gusigara nyuma y’imikino ibanziriza uwanyuma yaraye ibereye ku bibuga bitantukanye byo muri iki gihugu, ikaba yasize Atletico Madrid itsinzwe, mu gihe Barcelona na Real Madrid zitwaye neza.

Aba ni abakinnyi ba Barcelona Bishimira insinzi y'ibitego 5 batsinze Espanyol Barcelona. Ifoto ya Sky Sport

Aba ni abakinnyi ba Barcelona Bishimira insinzi y’ibitego 5 batsinze Espanyol Barcelona. Ifoto ya Sky Sport

Mu gihugu cya Espanye, ikipe ya Atletico Madrid yaraye ivuye mu isiganwa ryo guhatanira igikombe kuko yatakaje amanota 3 yose, ibi bikaba byatumye andi makipe nka Barcelona na Real Madrid bari bahanganiye igikombe ariyo yasigaye kuko zegeranye cyane.

Kugeza ubu Barcelona iracyayoboye n’amanota 88, igakurikirwa na Real Madrid na 87, hagati yayo hakaba harimo ikinyuranyo cy’inota rimwe gusa.

Ikipe ya Atletico Madrid, isa n’iyavuye muri iyi kuruse yo gutwara igikombe kuko yaraye itakaje umukino wayo yari yakiriwemo na Levante, ukaza kurangira itsinzwe 3-2, bikaba byatumye iva ku mwanya wa 2 ikajya ku mwanya wa 3 n’amanota 85.

Mu mukino wari wahuje amakipe yo mu mujyi wa Barcelona, waje kurangira F.C Barcelona inyagiye Espanyol Barcelona ibitego 5-0, byatsinzwe na Messi watsinzemo kimwe, Suarez atsindamo 2, Rafigna atsinda kimwe, mu gihe ikindi cyatsinzwe na Neymar.

Undi mukino wari ukomeye, wari wahuje Real Madrid na Valencia, ariko byaje kurangira Madrid itsinze 3-2, ibifashijwemo na Benzema watsinze kimwe, hamwe na Christiano Ronaldo waje gutsinda ibitego bibiri.

Kugeza ubu ikipe ya Barcelona ni yo iri ku mwanya wa mbere n’amanota 88, ikaba irusha mukeba inota rimwe gusa, kuko Real Madrid ifite 87, kandi zombi zikaba zibubura umukino umwe gusa kugira ngo zisoze shampiyona.

Nubwo habura umukino umwe biragoranye kugira ngo umenye ikipe izatwara igikombe hagati ya Real Madrid na Barcelona kuko imwe muri zo itakaje cyangwa ikanganya yaba igitakaje.

Kugira ngo iyi shampiyona irangire,ni umukino umwe rukumbi usigaye. Muri uwo mukino Barcelona izakina na Granada, mu gihe mukeba wayo bahanganiye igikombe Real Madrid izakina na Deportivo La Coruna.


Emmanuel Nshimiyumuremyi
WWW.DOVE.RW

Menya igihe, ibigwi, amavo n'amavuko by'ikipe ya Rayon Sports
Muhanga: Bahagaritse Sosiyete enye zikora ubucukuzi bw’amabuye y’agaciro
Samuel Eto agiye gushakira ikipe umukinnyi w’Umunyarwanda
Uganda: Yibye ikofi imuhindukana inzoka!

Tanga igitekerezo

Kwamamaza

Developed by Amitabha Technology, Inc.