DOVE MAGAZINE

Gahongayire yasanze abagiye muri Amerika barataye agakiza

Umuhanzi Aline Gahongayire uzwi mu cyiciro cy’abaririmba izihimbaza Imana yasabye abakirisitu bo mu Rwanda gukomera mu gakiza bakirinda icyabashyira kure y’Imana nk’ibyo yabonye muri Amerika.

Gahongayire yari amaze igihe azenguruka muri Amerika aho yakoreye ibitaramo muri muri Leta zigera kuri cumi n’imwe. Yagiyeyo nk’umwe mu bahanzi bakomeye batumiwe mu giterane cya ‘Rwanda Christian Convention’.

Kuri iki Cyumweru tariki ya 6 Ugushyingo 2016 Aline Gahongayire yagiye mu rusengero rwa Foursquare Church ku Kimironko ashimira Imana kuko ariho yamusubirije ko ‘yabonye ibyangombwa bimwemerera kujya muri Amerika’.

Gahongayire uherutse gutandukana n’umugabo we Gahima Gabriel yashimangiye ko urugendo yakoreye muri Amerika Imana yarumuhereyemo umugisha kuko ngo ‘yamukomeje yogeza ubutumwa bwiza muri leta yagiyemo zose’.

Yagize ati “Ndashimira Imana ko yampaye Visa, nayisengeye ku cyumweru iboneka ku wa Kabiri. Imana yabanye nanjye muri USA , mu ngendo zose nakoreye muri leta cumi n’imwe, yarandinze kandi nkomeza kuvuga ubutumwa kugeza ngarutse.”

Uyu muririmbyi yavuze ko mu byo yishimiye cyane mu rugendo yakoreye muri Leta Zunze Ubumwe za Amerika ngo yasanze Abanyarwanda bagifite agakize mu gihe abenshi muri iki gihugu bakavuyemo.

Ati “ Nashimishijwe n’uko tugifite agakiza, hariya biragoye ndakurahiye n’abakajyanye[agakiza] ntabwo bakigafite ariko ndashima Imana ko yagendanye nanjye ibyo nasabye Imana byose narabibonye.

Nyuma yo kuva muri Amerika, Gahongayire yavuze ko yagiyeyo atagambiriye kuzabona inyungu y’amafaranga ahubwo ko yashakaga kwifatanya n’ubwoko bw’Imana mu guhimbaza agasohora ibimurimo.

Yagize ati “Nagiye muri Leta zigera kuri cumi n’imwe, nakoze ibitaramo, nahakuye ubufatanye n’abandi bahanzi ndetse n’abatunganya indirimbo bakomeye. Intego yanjye cyane yari uguhimbaza Imana ikindimo kigasohoka […] Inyungu y’amafaranga ntabwo ari yo yari intego yanjye cyane.”

Aline Gahongayire yashimiye Imana yamuhaye Visa ajya muri Amerika


SRC: IGIHE

Wari uzi ko Bazivamo Christopher yakiniye Rayon Sports FC?
Yvonne wo mu Runana yabyariye muri Amerika
Maroc igiye gufungura ambasade mu Rwanda
Abanyarwanda batanu mu Bwongereza baritaba Urukiko ku cyemezo cyo kuboherezwa mu Rwanda

Tanga igitekerezo

Kwamamaza

Developed by Amitabha Technology, Inc.