DOVE MAGAZINE

Abanyarwanda 5 500 000 bamaze gukingirwa ‘Hepatite B’

Share Button

Minisiteri y’Ubuzima igaragaza ko mu myaka 6 ishize abantu 5 500 000 biganjemo abari munsi y’imyaka 5 bamaze kugerwaho n’urukingo rw’indwara y’umwijima yo mu bwoko bwa B “Hepatite B”.

Ni muri gahunda yo kurandura iyo ndwara mu Banyarwanda, mu gihe muri rusange Abanyarwanda 4.3% barwaye Hepatite B naho 4.7% barwaye Hepatite C.

Umuyobozi ushinzwe kuvura Sida n’indwara z’ibyuririzi byayo muri Minisiteri y’Ubuzima, Dr Sabin Nsanzimana, avuga ko kuva mu 2011 ari bwo muri Minisiteri y’Ubuzima hatangijwe gahunda yo gupima no kuvura indwara ya Hepatite.

Muri 2012 hatangiye gushyirwaho amatsinda y’abaganga basuzuma abantu, ariko kugeza muri 2013 abantu batari bake bari bakijya mu mahanga kwivuza iyo ndwara ndetse bagatanga amafaranga atari make mu kwivuza, atari munsi ya miliyoni 60 z’amafaranga y’u Rwanda ku murwayi umwe wa Hepatite B.

Muri 2014 mu Rwanda hatangiye kuboneka imiti ivura Hepatite ya “Direct-Acting Antiviral” (DAA) na bwo ku giciro cyo hejuru. Kuva ubwo Minisiteri y’Ubuzima yatangiye kugirana ibiganiro na kompanyi zicuruza imiti ya Hepatite kugira ngo hagabanywe igiciro cyayo nk’uko hari ibindi bihugu birimo na Misiri byagabanyirijwe igiciro.

Mu mezi abiri ashize, Minisiteri y’Ubuzima, binyuze mu kigo cyita ku buzima, RBC, yakoze ubukangurambaga mu bice bitandukanye by’igihugu ku ndwara y’umwijima, abantu 220 000 bahawe urukingo ku buntu, hasuzumwa ku buntu abantu 90 000, mu gihe kugeza ubu abantu 2 500 barwaye Hepatite bahabwa imiti ku buntu ku bitaro bitandukanye mu gihugu.

Mu bagore batwite, inyigo nto yakozwe na MINISANTE muri 2011 igaragaza ko abagore 2.5% basuzumwe basanganywe indwara ya Heatite B, muri icyo gihe kandi indi mibare yakuwe mu bitaro bya kaminuza bya CHUK na CHUB no mu bindi bigo bizobereye mu by’ubuzima naho 2.8% basanganwe Hepatite B.

Dr Sabin Nsanzimana, Umuyobozi ushinzwe kuvura Sida n’indwara z’ibyuririzi byayo muri Minisiteri y’UbuzimaDr Sabin Nsanzimana, Umuyobozi ushinzwe kuvura Sida n’indwara z’ibyuririzi byayo muri Minisiteri y’Ubuzima

Muri uyu mwaka wa 2017 hakozwe irindi suzuma basanga mu bantu bafite agakoko gatera Sida 4% byabo bafite Hepatite B naho 4.7% bafite Hepatite C nk’imwe mu ndwara z’ibyuririzi bya Sida.

Kimwe mu bigihangayikishije mu kuvura no gukumira indwara y’umwijima kimwe na Sida mu Rwanda nk’uko Dr Nsanzimana abisobanura, birimo ubushobozi buke bw’amafaranga, kuba abantu bakomeje kuyandura kandi byiganje mu bana n’abangavu bikiyongera cyane mu bakora uburaya.

SRC: IMVAHO NSHYA

Amafaranga ava mu misoro n’amahoro yiyongereyeho 12%
Biranugwanugwa ko Drogba ashobora kuzasimbura Mourinho
Abapolisi 223 barangije imyitozo yihariye yo gutabara aho rukomeye
Abanyarwanda nibave mu muteto, be kumva bahora mu kiciro cya 1 cy’ubudehe- Min Kaboneka

Tanga igitekerezo

Kwamamaza

Developed by Amitabha Technology, Inc.