DOVE MAGAZINE
DOVE RECORDS, INC.

Aba Ambasaderi ba Amerika bashyizweho na Obama basabwe gutaha bitarenze tariki 20 Mutarama

Ba Ambasaderi ba Leta Zunze Ubumwe za Amerika bashyizweho na Perezida Barack Obama ku mpamvu zihariye za politiki bagomba kuba bavuye mu myanya kuwa 20 Mutarama 2017, itariki Perezida mushya uheruka gutorwa Donald Trump azarahiriraho kuba Perezida wa 45 w’icyo gihugu cy’igihangange.

Reuters ivuga ko nk’uko byemezwa n’Umuvugizi w’Ishami rishinzwe Ububanyi n’Amahanga, John Kirby, iyi myanzuro ntireba abadipolomate basanzwe (career diplomats) ahubwo ni abagiye bashyirwaho ku mpamvu zihariye (political appointees), abandi bo bari baramenyeshejwe ko bagomba kwegura kuwa 23 Ukuboza.

Biteganyijwe ko imyanya iri mu mijyi ikomeye nka Londres , Paris, Tokyo na Berlin izagenda ihabwa abari inyuma ya Trump mu kwiyamamaza cyangwa abumva umurongo we wa politiki, nubwo bazabanza kwemezwa na Sena.

Uyu mwanzuro wafashwe mu buryo budasanzwe kuko aba ba ambasaderi hagendaga hasuzumwa ikibazo cy’umwe ku wundi kugira ngo hatagira umwanya n’umwe usigara utarimo umuntu, cyangwa hagahungabanywa ubuzima bw’aba badipolomate n’imiryango yabo usanga hari abamaze gushyira abana mu mashuri.

Itangazamakuru muri Amerika rigaragaza ingero nyinshi z’abambasaderi bagiye bavanwa mu myanya ariko bakaguma aho bakoreraga ubutumwa mu gihe runaka kugira ngo badahungabanya umwaka w’amashuri w’abana babo.

Babihuza kandi n’uko Donald Trump yagombaga kubyumva kuko umugore we Melania atazahita yinjira muri White House, ahubwo azaguma New York kugira ngo umuhungu wabo Barron adahindura ishuri yigagaho ageze hagati mu mwaka.

Gusa ba ambasaderi bose kuri iyi nshuro bahawe n’Itsinda riri gukurikirana inzibacyuho ya Donald Trump, kugeza kuwa 20 Mutarama ngo babe bamaze gusubira mu gihugu cyabo.

Perezida Obama
Ba ambasaderi benshi Obama yashyizeho bagiye gutakaza imyanya nyuma ya manda ye

SRC: IGIHE

Afurika y’Epfo: Abagore bafashe umugabo ku ngufu bamwiba amasohoro
U Burundi: ingoma zahinduye imirishyo,...
Loni ibabajwe n’urupfu rw’abasirikare b’u Rwanda muri CAR
Disi ntazibagirwa inkoni yakubiswe azira kwitegereza inzu ya Komine

Tanga igitekerezo

Kwamamaza

Developed by Amitabha Technology, Inc.